Kmukum 8:10 - Udél Dwata: Gna Kesfasad ne Lomi Kesfasad

¹⁰ Blaem lemwót yóm lewu kem tau hol geta bè Midyan, le Siba lewu le Salmuna, deng le nô ditu bè yóm sotu benwu boluyen Karkur, mung kul yó kem sendalù le. Yó kem sendalù dù tebel lemwót bè yóm benwu laen hol wen tauhen fi dmata kdaw Él Jurdan ne tek le sfolò limu libu duen. Deng le gotu matay yóm lematu lewu folò libu kem dumu le.

Kmukum 8:10 Iomraidhean Croise

2 Tutul Israél 13:17

Tey dê hnatay Abidya ne yó kem sendaluen, botong limu latu libu sendalù Israél deng layam bè gida hnatay le.

Isaya 37:36

Bè yóm kifu yó, wen sotu hógów Dwata gu bè longit ebè yóm kul kamfù yó kem sendalù Asirya. Botong lematu bud wolu folò limu libu sendalù Asirya hnatayen. Bè yóm deng kwasen tódô hgasà kem sendalù, deng le gotu matay.

Isaya 9:4

Yakà deng tódô tenfokem du yóm yok tehe alì hmayam kul. Dalang se yóm bogul tehe gel bogul le bè abal le, deng tódô tenfokem. Abay se deng gotu genlaem yó kem hohon le tehe alì mongò hemsidek kul. Hol lómón keglaem kul lómón yóm tehe keglaem yó kem tey sendalù wen lemwót bè benwu Midyan.

Kmukum 6:5

Bè yóm ksut le, gotu nwit le yó kem ógóf le ne yó kem kamfù le. Ya tey kwen le lómón ksut tlangas. Yó kem kamél gel snakay le, là kô gbekem msó kul. Ngang le nô bè yó efet gotu mekfung hulu yó kem tau Israél.

Kmukum 7:12

Gotu le lememek kmamfù bè yó bè datal yó kem tau Midyan ne yó kem tau Amélék ne yó kem tau lemwót bè yóm benwu laen hol wen tauhen fi dmata kdaw Él Jurdan. Lómón kwen le lómón tlangas lememek te tonok. Yóm kwen yó kem kamél le lómón kwen le helek bè kilil mohin, là gbekem msó kul.

Kmukum 7:13

Tikóng le gefet bè yó le Gidyun bè kamfù yó kem hohon le, gungol Gidyun yóm sotu tau tmulón kna bè yóm ween. Yó monen, “Wen knahu. Knahu sbotù mambang barli mluy gu tta ebè ni bè kamfù tekuy ne gesloben yóm sotu kamfù tekuy. Lemwót nim kamfù gesloben ni, gotu gbà lemnal bè tonok.”

Kmukum 7:22

Bè yóm igò le mféw hilol yóm tlu latu kem tau Gidyun, yó nmò Dwata bè yó kem hohon le, gotu le stibó honon lu. Yó kem sendalù là matayen, wen se bélê le mlóy etu bè yóm benwu boluyen Bét Sita, yóm benwu moni bè Saritan ne wen se mlóy etu bè Abél Mihula, yóm benwu moni bè Tabat.

Kmukum 8:11

Yó nmò Gidyun, tódô loloen yóm lan hmilol yóm benwu laen hol wen tauhen fi dmata kdaw yó kem benwu boluyen Nuba ne Jugbiha nan e kentut nundug yó kem sendalù hohon le.