Kmukum 8:1 - Udél Dwata: Gna Kesfasad ne Lomi Kesfasad

¹ Bè yóm kdaw yó, yó udél le ebè Gidyun yó kem sfu Ifraim, mon le, “Moen du ke là hmungem kum bè yóm kesgida ye yó kem tau Midyan? Moen du ke lómón ni nmoem bélê me?” Ya tey sidek ksel le ke Gidyun yó kem sfu Ifraim yó.

Kmukum 8:1 Iomraidhean Croise

2 Samwél 19:41

Omin le mógów ebè yóm tau hol geta yóm kdéen sendalù Israél, mon le mò du, “Moen de ke són yó kem tau bè Juda yóm tmóbóng kóm mifal dalang se yó kem fes lówóhem ne yó kem sendaluem?”

2 Samwél 19:42

Ne yó balà le kul yó kem tau Israél yóm kdéen tau Juda, mon le, “Abay se yóm tau hol geta, hol kum dumu. Moen de ke lenbut ye nim nmò me ni? Là henkenen kum se yóm tau hol geta, ne laen se dù ofol blayen kum.”

Job 5:2

Tey nungel yóm tau hmosok ke Dwata ne yó se gónón angat meglà. Tey tau là hulungen hedem yóm tau mélés nawahen ne yó se but angat gónón matay.

Kem Udél Hlalak Tehe Selumun 15:1

Hebóhen kebut tau yóm balà ganag, okóm yóm udél des mom hebuten tau.

Husiya 13:1

Bè yóm gnan kdaw ke gel le mudél yó kem ból Ifraim, gotu le likò yó kem dumu tau Israél abay se nadat le Ifraim. Okóm yó kem ból Ifraim yó, deng le mom gemsalà lemwót bè yóm ktaba le ebè Baal ne lemwót bè yóm nmò le ni gónó le angat gotu meglà.

Kmukum 8:2

Okóm yó balà Gidyun kul, monen, “Yóm dou gendeng ni, tek udì néen ke heskél te bè yóm deng kuy gendeng. Balù yóm là deng kegen ye mung sgida yu kem semfu gu bè Ifraim, bong he kuy gendeng senta yóm kum gendeng mi kem lemwót bè tbong Abisér.