Kmukum 7:9 - Udél Dwata: Gna Kesfasad ne Lomi Kesfasad

⁹ Bè yóm kifu yó, dók Dwata Gidyun, monen, “Btiki, nundugem yóm kamfù yó kem tau Midyan. Angat blayu lu elem hólólem.

Kmukum 7:9 Iomraidhean Croise

2 Tutul Israél 20:17

Okóm là kô yu du mit kul sgida. Olo ye tódô htuhod mdà, tenngel ye yóm kegmò Dwata bélê le yó kem hohon ye. Ó kem tau bè Juda ne kem tau bè Jirusalim, Dwata se nô bélê ye. Hol bê ye abay hlikò, ne bê ye abay hunu nawa ye. Haya mógów ye etu, abay se nô bélê ye Dwata.”

Job 4:13

Yó kmoen, wen tonu bè yóm sotu kifu yóm igò le tungô yó kem dumu tau.

Matyu 1:20

Yóm igoen tolo hemdem du yóm yó, tódô wen hógów Dwata gu bè longit hegfan béléen bè knahen, monen mò du, “Ó Jusif, semfu gu bè Dabid, béi hengayà myehen ke Midi abay se lemwót bè Tulus Dwata yóm bnututen.

Matyu 2:13

Yóm kogol le mulék yó kem tau hulung hménég blotik yó, wen bud hógów Dwata gu bè longit bud hegfan bè kna Jusif, monen mò du, “Ó Jusif, btiki ne, géhél nwitem yóm ngà lewu le yéen etu bè Idyip. Tódô ye na nô ditu efet kól bè yóm bud khuléku kuy edini, yakà angat hfebel Hirod du yóm ngà anì hfatayen.”

Kul Nmò 27:23

Yó gónóhu mon du yóm monu ni, abay se ebuteng wen hógówen ebéléu gu bè longit yóm Dwata mfun dou, yóm tendo nimónu.

Juswa 10:8

Bè yóm kewót le, yó mon Dwata mò ke Juswa, “Hol béi abay hlikò bélê le. Deng blayu lu elem hólólem. Bà sotu bélê le ke gembek kóm.”

Juswa 2:24

ne yó udél le, mon le, “Deng hol tahu blay Dwata tekuy yóm benwu Kanan. Tódô kdê yó kem tau bè yó, tey sidek klikò le bélê tekuy.”

Kmukum 7:10

Okóm ke likoi mundug kul mosoli etu bè kamfù le, nwitem Pura yóm tau tóbóng lówóhem.

Kmukum 7:8

Tahu se, gotu hulék Gidyun lu yó kem dumu tau Israél, bede eles nwahen yó kem bnotu le ne kem féw le ne tek tlu latu tau yóm dù tebel béléen. Yóm kul gónó kmamfù yó kem tau Midyan nô sendlem le bè yóm gónón datal.

1 Samwél 14:8

Omin Junatan mon du mò du, “Yó ne, mógów te etu anì ton le tu.

1 Samwél 23:4

Omin Dabid bud smólók ke Dwata. Ne yó balà Dwata du, monen, “Yó ne lemwóti ebè Kila. Blayu elem hólólem yó kem Flistin hohonem.”