Kmukum 7:8 - Udél Dwata: Gna Kesfasad ne Lomi Kesfasad

⁸ Tahu se, gotu hulék Gidyun lu yó kem dumu tau Israél, bede eles nwahen yó kem bnotu le ne kem féw le ne tek tlu latu tau yóm dù tebel béléen. Yóm kul gónó kmamfù yó kem tau Midyan nô sendlem le bè yóm gónón datal.

Kmukum 7:8 Iomraidhean Croise

Juswa 6:20

Tahu se, bè yóm kungol kem sendalù du yóm tey uni féw htawid, tódô hendlà le mensag se kul. Ne tódô sen-gengen se gbà yóm beng hmilol Jiriku. Omin le yó tódô mógów hekteng elemen yó kem sendalù Israél ne nled le yóm syudad yó.

Juswa 6:4

Eles mung kuy yó kem tau gel blóng ebéléu mit yóm Slungan Fasad. Hitu bélê le fen mógów tukô gna yóm Slungan Fasad yó, sket kul kmulóng féw. Bè yóm ghituhen kdaw yó nmò ye, hitu dulék ye mógów lemibut yóm syudad yó. Ne igò ye lemibut du, igò le mféw yó kem tau gel blóng ebéléu.

Kmukum 6:33

Là legenen bè yó, gotu le stifun yó kem kdéen tau Midyan ne yó kem tau Amélék ne yó kem dumu tau nô bè yóm benwu laen hol wen tauhen fi dmata kdaw Él Jurdan, omin le mifal yóm Él Jurdan na le e kmamfù bè Datal Jisriil.

Kmukum 7:7

Yó mon Dwata mò ke Gidyun, “Lemwót bè nim tlu latu kem tau ni gónóhu lemwà kuy bè yó kem tau Midyan ne blayu lu elem hólól ye. Bong yó kem dumu gotu hulékem lu.”

Kmukum 7:9

Bè yóm kifu yó, dók Dwata Gidyun, monen, “Btiki, nundugem yóm kamfù yó kem tau Midyan. Angat blayu lu elem hólólem.