Kmukum 7:7 - Udél Dwata: Gna Kesfasad ne Lomi Kesfasad

⁷ Yó mon Dwata mò ke Gidyun, “Lemwót bè nim tlu latu kem tau ni gónóhu lemwà kuy bè yó kem tau Midyan ne blayu lu elem hólól ye. Bong yó kem dumu gotu hulékem lu.”

Kmukum 7:7 Iomraidhean Croise

Kmukum 7:6

Tahu se, yó kwen yó kem tau minum lem hólól, tek tlu latu kwen le. Ne lemwót yó kem dumu gotu le minum dmeef mtud bukol.

Kmukum 7:8

Tahu se, gotu hulék Gidyun lu yó kem dumu tau Israél, bede eles nwahen yó kem bnotu le ne kem féw le ne tek tlu latu tau yóm dù tebel béléen. Yóm kul gónó kmamfù yó kem tau Midyan nô sendlem le bè yóm gónón datal.

1 Samwél 14:6

Yó udél Junatan ebè yóm tau mit klungen, monen mò du, “Géhéli, hnusek te kamfù yó kem Flistin là hemtahu bè Dwata yóó. Là tngónem du déke tnóbóngen tu Dwata. Ke tnóbóngen tu, laen kô dù hemseng du bè yóm kehegmoen kut baluen ke tek sónen tu.”

1 Samwél 23:4

Omin Dabid bud smólók ke Dwata. Ne yó balà Dwata du, monen, “Yó ne lemwóti ebè Kila. Blayu elem hólólem yó kem Flistin hohonem.”