Kmukum 7:4 - Udél Dwata: Gna Kesfasad ne Lomi Kesfasad

⁴ Omin Dwata bud mon du mò ke Gidyun, “Tolo le tey wen he ni kem tauhem. Nwitem lu ebè él, hinumem lu. Bè yó gónóhu semtólóng kul. Tngónem bè yó yóm tau hmungu kóm ne yóm tau là hmungu du.”

Kmukum 7:4 Iomraidhean Croise

Tekang Kbuten 22:1

Kogolen bè yó, tnilów Dwata Abraham ke tahu yóm kimónen du, tnabahen, monen, “Ó Abraham.” Mon Abraham se, “Hó. Ni ou.”

Kem Lingón 33:16

Là kô yó du gónón gemmò bè gida yóm tau hol geta mogot benwu ke mlan bè kgis yó kem sendaluen. Senged se yóm sendalù, là lemwóten bè kun kgis gónón gemmò se kun.

Kem Lingón 66:10

Deng tnilówem mi, Dwata. Lómón yóm blówón bukay hlan le bè ofi anì baling hol tahu duhen, lómón yó se yóm ktilówem kum.

Kem Lingón 7:9

Nmoem sónen yóm sidek gel nmò yó kem tau gel mò sidek, okóm tnóbóngem yó kem tau mimón kóm. Uu temngón du, Dwata, yóm nô lem hendem tau ne yóm nô lem but blutut tau, yakà hono tedeng nmoem se kóm.

Kmukum 7:5

Tahu se, gotu nwit Gidyun lu ebè él yó kem tauhen. Ne yó mon Dwata mò du, “Ni kmò kestólóngem kul yó kem tauhem. Tólóng kesbungem yó kem tau minum lem hólól lómón kinum ohu ne tólóng kesbung se yó kem minum dmeef mtud bukol.”

1 Samwél 14:6

Yó udél Junatan ebè yóm tau mit klungen, monen mò du, “Géhéli, hnusek te kamfù yó kem Flistin là hemtahu bè Dwata yóó. Là tngónem du déke tnóbóngen tu Dwata. Ke tnóbóngen tu, laen kô dù hemseng du bè yóm kehegmoen kut baluen ke tek sónen tu.”

1 Samwél 16:7

Okóm yó mon Dwata mò ke Samwél, “Béem tenngel yó dum keklóónen logi ne yóm ktahaen, sundu du yóm néléku. Yóm dou kélék là mkélen bè kélék tau. Yóm tau, són olo tonen yóm gfan ta, okóm yóm dou tenngel yóm nô lem nawahen.”