Kmukum 7:25 - Udél Dwata: Gna Kesfasad ne Lomi Kesfasad

²⁵ Kenfô le yóm lewu kem tau hol geta bè yó kem tau Midyan. Yó boluy le Urib ne Sib. Lemwót ke Urib kun, hnatay le bè yóm sotu botu hlós boluy le du Botu Urib. Lemwót ke Sib kun, fen hnatay le bè yóm gónó le gel kemmes él grép ne hlós boluy le du Sib. Tódô henlós le kemtes yó kem tau Midyan. Kogolen bè yó nwit le ebè Gidyun kulu le Urib ne Sib ditu bè kilil Él Jurdan.

Kmukum 7:25 Iomraidhean Croise

Kem Lingón 83:10

Deng genlaem lu bè benwu Indor, gotu le lagas bè yó mò habù tonok.

Isaya 9:4

Yakà deng tódô tenfokem du yóm yok tehe alì hmayam kul. Dalang se yóm bogul tehe gel bogul le bè abal le, deng tódô tenfokem. Abay se deng gotu genlaem yó kem hohon le tehe alì mongò hemsidek kul. Hol lómón keglaem kul lómón yóm tehe keglaem yó kem tey sendalù wen lemwót bè benwu Midyan.

Hbakuk 3:7

Yó kem tau bè Kusan ne bè Midyan, tonu lu tódô setbol kkel le lemwót bè alì klikò le bè yóm kton le du yóm yó.

Juswa 7:26

Tikóng deng gotu hkekeb le lu, tey botu snuduk le ta le ne efet nim kmoen ni sana knóen bè yó, yó kem botu yó. Lemwót bè yóm gfà le Akan bè yó, yó gónó le moluy du Datal Gfà yóm datal yó efet ni kmoen ni. Ominen yó he mkó ta yó kem tau Israél yóm tey kebut Dwata kul.