Kmukum 7:22 - Udél Dwata: Gna Kesfasad ne Lomi Kesfasad

²² Bè yóm igò le mféw hilol yóm tlu latu kem tau Gidyun, yó nmò Dwata bè yó kem hohon le, gotu le stibó honon lu. Yó kem sendalù là matayen, wen se bélê le mlóy etu bè yóm benwu boluyen Bét Sita, yóm benwu moni bè Saritan ne wen se mlóy etu bè Abél Mihula, yóm benwu moni bè Tabat.

Kmukum 7:22 Iomraidhean Croise

1 Bok Kem Tau Hol Geta 19:16

Ominem bud temwél te kulu Jihu ngà Nimsi mò ilô yóm kbalingen tau hol geta bè Israél. Ne bud tenwélem hnolo Ilaysa snéen yóm ngà Safat lemwót bè Abél-mihula mò temles kóm bud tmugod do.

2 Tutul Israél 20:23

Yó kem sendalù Muab ne kem sendalù Amun, deng mom beklil nit le sfatay yó kem kul dumu slomong lemwót bè bulul Sér, ne gotu hnatay le lu yóm kdê le. Tikóng deng gotu khatay le kul, omin le sfatay honon lu yó kem sendalù Amun ne sendalù Muab.

Kem Lingón 83:9

Hol nmoem bélê le yóm tehe deng nmoem bè yó kem tau Midyan, ne hol lómón yóm deng tehe nmoem bè Sisira ne bè Jabin ditu bè Él Kisun.

Isaya 9:3

Tey kligal blayem kul, Dwata. Tey kehefligalem kul. Hligal le lemwót bè yóm deng nmoem bélê le. Lómón kehligal le lómón kehligal yó kem tau muta ne lómón kehligal yó kem tau semsólól yó kem kimu negef le bè gida.

Isaya 9:4

Yakà deng tódô tenfokem du yóm yok tehe alì hmayam kul. Dalang se yóm bogul tehe gel bogul le bè abal le, deng tódô tenfokem. Abay se deng gotu genlaem yó kem hohon le tehe alì mongò hemsidek kul. Hol lómón keglaem kul lómón yóm tehe keglaem yó kem tey sendalù wen lemwót bè benwu Midyan.

Hbakuk 3:14

Kul suk se hatayem kul yó kem tau alì mebetik mundug kum. Yóm kebetik le, hol lómón ke lenos bong. Ofo kul mon du ke mahil gemwa kul yó kem tau Israél.

Hagay 2:22

Angat genbau yó kem dumu benwu ne nmou sónen yóm kfasang le. Gotu hensideku yó kem klitun gel nit le sgida ne yó kem tau gel mit kul. Ne gotu matay yó kem kudà le ne yó kem tau tehe smakay kul, gotu le matay lan le tódô sfatay honon lu.

Sikaraya 14:13

Bè yóm kdaw yó, tey kehlangaf Dwata kul. Ket tau nwiten sfatay kem dumun.

2 Kurin 4:7

Bélê me kum kem tau mit du nim Tulón Hyu ni, hol lómón ke kuleng tonok yóm klowil me, bede wen yóm alì mebtes nô lemen. Yó gónó Dwata hmingón du bè kuleng anì gfan yóm là kewóten bélê me yóm tey kfasangen yóm tulón nwit me, okóm tódô lemwót bè Dwata.

Juswa 3:16

tódô teflok se lel yóm él yó ne tódô segbusung eta ditu fi leged yóm syudad boluyen Adam yóm syudad klohok Saritan. Bong yó dum lelen e mool ebè Mohin Héét, gotu kti ne gbek le mifal moni bè Jiriku yó kem tau Israél.

Juswa 6:16

Tikóng deng hitu dulék le lemibut, omin le yó hol htawid mféw yó kem tau gel blóng ebè Dwata. Uni Juswa mungol du yóm yó yó udélen, monen, “Hol ye hendlà mensag, yakà deng blay Dwata du tekuy nim syudad ni.

Juswa 6:20

Tahu se, bè yóm kungol kem sendalù du yóm tey uni féw htawid, tódô hendlà le mensag se kul. Ne tódô sen-gengen se gbà yóm beng hmilol Jiriku. Omin le yó tódô mógów hekteng elemen yó kem sendalù Israél ne nled le yóm syudad yó.

Juswa 6:4

Eles mung kuy yó kem tau gel blóng ebéléu mit yóm Slungan Fasad. Hitu bélê le fen mógów tukô gna yóm Slungan Fasad yó, sket kul kmulóng féw. Bè yóm ghituhen kdaw yó nmò ye, hitu dulék ye mógów lemibut yóm syudad yó. Ne igò ye lemibut du, igò le mféw yó kem tau gel blóng ebéléu.

1 Samwél 18:19

Okóm bè yóm kdaw tô kesyehen le Dabid Mirab, deng mom sana hyehen Sol ke Adriyél yóm tau lemwót bè Mihula.