Kmukum 7:2 - Udél Dwata: Gna Kesfasad ne Lomi Kesfasad

² Yó mon Dwata mò ke Gidyun, yóm sana kul Dwata hol gónó mogot, “Tey alì gedlug kwen le yó kem tauhem mò mit sgida bè yó kem tau Midyan. Ke hlusu lu sgida yóm kdê le ne ke deng hegmou lu déke mom le heklabak, ofo kul ke lemwót bè kul kgis yóm kegmò le.

Kmukum 7:2 Iomraidhean Croise

Tekang Kbuten 46:2

Timbow kifu bè yó, mudél ebè Jakub Dwata, monen, “Ó Jakub, Jakub.” Mon Jakub se, “Hó. Ni ou.”

2 Tutul Israél 14:11

Yó udél Asa hkodu bè Dwata yóm kun Dwata hol gónó mogot, monen, “Ó Dwata, tek són uu gembek tmóbóng kul yó kem sendalù laen hol gmò le bè yó kem sendalù alì layam. Hol tnóbóngem mi, Dwata yóm kum Dwata hol gónó mogot, yakà uu du yóm kum snalig. Ne mlan bè boluyem gónó me mógów ebè ni smolu ni kem tey sendalù wen ni. Ó Dwata uu se yóm kum Dwata, hol béem hlus ke gemmò béléem yó kem tau tonok.”

Isaya 10:13

Yó bud udélen heklabak yóm tau hol geta bè yóm benwu Asirya, monen, “Tek són ou se mò du yóm kdéen ni. Teye kemgis yóm ou ne teye temngón ne teye hulung mò atul. Deng gotu gwahu ne yó kem dumu benwu, laen kô dù bud mdengen blóng le ne deng gotu dou kdéen. Deng gotu gwahu yó kem deng tô sentifun le mò lowil le. Lómón ke ou yóm safì tudu deng gotu ndau lu laan yó kem tau menwu bè yó.

Isaya 2:11

Bè yóm kdaw yó, angat tódô gesón yóm alì kehegmón tau ne yóm alì keheklabak le. Tek són sem Dwata yóm hol geta bè yóm kdaw yó.

Isaya 2:17

Bè yóm kdaw yó, angat gesón yóm kehegmón tau ne yóm kehegeta le knô. Ne yó kem dwata kéng deng gel nmò le là kô bud tonem kul ne. Tek són sem Dwata yóm hol hegeta bè yóm kdaw yó.

Jirimaya 9:23

Yó bud udél Dwata, monen, “Yóm tau hulung hedem, hol béen abay salù yóm khulungen hedem yó. Dalang se yóm tau alì kemgis, hol béen abay salù yóm kekgisen. Yóm tau wen kendengenen, hol béen abay salù yóm kwen kendengenen.

Danyél 4:30

Yóm igoen temngel eta yóm syudaden, yó udélen, monen, “Ngem dé nim tey syudad Babilun ni, ke là se lemwóten bè yóm tey kegbeku, là kóen na a mdà mò gónóhu nô ne mò gónóhu hegfan yóm tey kegetahu.”

Hbakuk 1:16

Omin le yó tmaba dwata bè yó kem huket le ne mtem le insinsu bélê le, yakà mon le du lemwót bè huket le kun yóm kwen kendengen le ne ktilob yóm gel ken le.

Sikaraya 12:7

Nahu gna hegmò yó kem tau bè Juda gu laanu là deng hegmò yó kem tau bè Jirusalim, anì laen dù gónó le hegeta knô senta Juda yó kem sfu Dabid ne yó kem dumu tau bè Jirusalim.

Sikaraya 4:6

Ominen mon du mò dou, “Ni se udél Dwata ebè Sirubabél. Yóm nmoem là lemwóten bè kegbek tau duhen ke bè kgis tau, okóm lemwót bè dou Tulus, udél yóm Dwata laen dù là gbeken du.

Lista 31:4

Hógów ye ket lemibu tau lemwót bè ket ból yó kem tau Israél mò mung bè gida.”

Sulat Pol Ebè Yó Kem Tau Hemtahu Bè Rom 11:18

Okóm bê ye abay hegmón bè yó kem tahu hangahen yóm koyu yó. Olo ye hanga lenbù htowok Dwata bè yó he yó dum kuy. Bê ye abay klifót, là kô yu du hlowil yóm but yóm koyu, kaem yóm buten hlowil kuy.

Sulat Pol Ebè Yó Kem Tau Hemtahu Bè Rom 3:27

Yó gónóm mon, laen bang gónó tekuy hton salù. Abay se là kóen lemwót bè klolò tekuy yóm hlau Musis gónón tedeng kton Dwata tekuy, okóm tódô lemwót bè yóm kehtahu tekuy ke Jisas.

2 Kurin 4:7

Bélê me kum kem tau mit du nim Tulón Hyu ni, hol lómón ke kuleng tonok yóm klowil me, bede wen yóm alì mebtes nô lemen. Yó gónó Dwata hmingón du bè kuleng anì gfan yóm là kewóten bélê me yóm tey kfasangen yóm tulón nwit me, okóm tódô lemwót bè Dwata.

Dwata 32:27

Okóm là kóe móyô ke salù yó kem hohon le yóm kegmò le bè yó kem dou tau, igoen ou yóm gemlà kul.’

Dwata 8:17

Yó gónóm mon, hol bê ye abay hendem ke deng lemwót bè kfasang ye ne bè kgis ye yóm kwen kendengen ye.

Dwata 8:18

Hol hentulón ye nawa, kaem lemwót bè yóm sana kuy Dwata hol gónó mogot yóm kwen kendengen ye. Yó gónón mò du bélê ye yóm yó, abay se là gbeken kmifót du yóm deng senfasad le yó kem tehe fù ye.

Sulat Jim 4:6

Okóm tey bong któbóng Dwata tekuy senta yóm óyô mò sidek. Wen bud monen bè Sulat Dwata, yóm monen, “Tey kekbê Dwata du yóm tau hegeta knô. Bede tey któbóngen du yóm tau hulung heglaan béléen.”

1 Samwél 14:6

Yó udél Junatan ebè yóm tau mit klungen, monen mò du, “Géhéli, hnusek te kamfù yó kem Flistin là hemtahu bè Dwata yóó. Là tngónem du déke tnóbóngen tu Dwata. Ke tnóbóngen tu, laen kô dù hemseng du bè yóm kehegmoen kut baluen ke tek sónen tu.”