Kmukum 7:15 - Udél Dwata: Gna Kesfasad ne Lomi Kesfasad

¹⁵ Tikóng gungol Gidyun kna yóm tau yó koni ne yóm lanen, ya tey kdóyónen ke Dwata. Ominen tódô kendel semfulék mneged ebè kamfù yó kem tau Israél ne hgelen udélen tmaba kul, monen, “Btik ye ne, deng blay Dwata elem hólól tekuy yó kem sendalù Midyan.”

Kmukum 7:15 Iomraidhean Croise

Tekang Kbuten 24:48

Tódóe hegdufok ebè tonok, ne dóyónu Dwata, yóm gónón mogot yóm dou gónó mogot Abraham. Deng tódô hekteng nalaken ou ebè yóm sotu kun dumu yóm gónóhu mogot, ne bè yó gónóhu mton du yóm libun mò yehen yóm ngaen logi.

Tekang Kbuten 40:8

Mon le se, “Sket kum wen kna me ne laen dù tau bè ni gembek tmulón du kum lanen.” Mon Jusif se mò kul, “Són Dwata gónón lemwót yóm khulung tau tmulón lan kna. Tulón ye dou kun yóm kna ye yó.”

Tekang Kbuten 41:11

Bè yóm sotu kifu, segeng me kemna yóm lewu me ne hono stólóng lanen yóm kna me.

Kmukum 4:14

Yó udél Dibura ebè Barak, monen, “Lemwóti ne. Deng eles tukô gna kóm yóm sana Dwata hol gónó tekuy mogot. Kemdaw ni hegmoen uu bè Sisira.” Tahu se, mosol gu ta Bulul Tabur Barak ebè yóm gónó le sfatay, mung du yóm sfolò libu kem sendaluen.

Kmukum 7:11

Ke kóli bè yó, hol hnungolem yóm sentulón le ne bè yó gónón mfól nawahem mundug kul.” Tahu se, lemwót Gidyun lewu le Pura mosol le edlem bè kilil yóm gónó le kmamfù yó kem hohon le.

Kmukum 7:14

Yó balaen du yóm ween yó, monen, “Laen dù dumu lanen yóm knahem yó, kaem sudeng Gidyun yóm tau Israél ngà Juas logi. Deng hatù Dwata bè yó kem tau Midyan ne bè kdê yó kem sendalù tekuy.”

Kmukum 7:16

Yó nmò Gidyun, nólólen bè tlu bung yó kem tlu latu sendaluen ne sket benlayen lu féw ne kuleng tonok wen solok nô lemen.

Kmukum 8:7

Ne yó udél Gidyun ebélê le, monen, “Yó ne. Ke deng blay yóm sana kut Dwata hol gónó mogot elem hólólu yó kem tau hol geta ketesu ni le Siba ne Salmuna, angate bud semfulék edini, naw gotu hendlà nfes yu. Fesu kuy yó kem tey semnual lemwót bè yóm benwu laen hol wen tauhen.”

1 Samwél 1:28

Duhen ni, hetfingu ebè Dwata nim ngà ni ne bè yóm klawihen mowil ke Dwata funen.” Omin le yó tmaba ebè Dwata bè yó.

1 Samwél 14:12

Omin le tmaba ebè Junatan ne ebè yóm tau mit klungen, mon le, “Mneged ye edini bélê me anì wen dnalang ye.” Ne yó mon Junatan bè yóm dumuhen, “Géhéli ne loloem o, deng blay Dwata lu elem hólól yó kem tau Israél.”