Kmukum 7:12 - Udél Dwata: Gna Kesfasad ne Lomi Kesfasad

¹² Gotu le lememek kmamfù bè yó bè datal yó kem tau Midyan ne yó kem tau Amélék ne yó kem tau lemwót bè yóm benwu laen hol wen tauhen fi dmata kdaw Él Jurdan. Lómón kwen le lómón tlangas lememek te tonok. Yóm kwen yó kem kamél le lómón kwen le helek bè kilil mohin, là gbekem msó kul.

Kmukum 7:12 Iomraidhean Croise

1 Bok Kem Tau Hol Geta 4:30

Yóm khulung Selumun hedem, hol mkay senta yóm kdê tau temngón fi dmata kdaw ne kem tau temngón bè Idyip.

Kem Lingón 3:1

Ó Dwata, tey dê yó kem hohonu, tey le dê yó kem tau kmutó nawa dou.

Kem Lingón 33:16

Là kô yó du gónón gemmò bè gida yóm tau hol geta mogot benwu ke mlan bè kgis yó kem sendaluen. Senged se yóm sendalù, là lemwóten bè kun kgis gónón gemmò se kun.

Kmukum 6:3

Ket kmò le hulu yó kem tau Israél kulel gel kundug le kul yó kem tau Midyan, mung kul yó kem tau Amélék ne yó kem dumu tau gel nô bè yóm benwu laen hol wen tauhen fi dmata kdaw Él Jurdan.

Kmukum 6:33

Là legenen bè yó, gotu le stifun yó kem kdéen tau Midyan ne yó kem tau Amélék ne yó kem dumu tau nô bè yóm benwu laen hol wen tauhen fi dmata kdaw Él Jurdan, omin le mifal yóm Él Jurdan na le e kmamfù bè Datal Jisriil.

Kmukum 6:5

Bè yóm ksut le, gotu nwit le yó kem ógóf le ne yó kem kamfù le. Ya tey kwen le lómón ksut tlangas. Yó kem kamél gel snakay le, là kô gbekem msó kul. Ngang le nô bè yó efet gotu mekfung hulu yó kem tau Israél.

Kmukum 7:13

Tikóng le gefet bè yó le Gidyun bè kamfù yó kem hohon le, gungol Gidyun yóm sotu tau tmulón kna bè yóm ween. Yó monen, “Wen knahu. Knahu sbotù mambang barli mluy gu tta ebè ni bè kamfù tekuy ne gesloben yóm sotu kamfù tekuy. Lemwót nim kamfù gesloben ni, gotu gbà lemnal bè tonok.”

Kmukum 8:10

Blaem lemwót yóm lewu kem tau hol geta bè Midyan, le Siba lewu le Salmuna, deng le nô ditu bè yóm sotu benwu boluyen Karkur, mung kul yó kem sendalù le. Yó kem sendalù dù tebel lemwót bè yóm benwu laen hol wen tauhen fi dmata kdaw Él Jurdan ne tek le sfolò limu libu duen. Deng le gotu matay yóm lematu lewu folò libu kem dumu le.

1 Samwél 13:5

Ne gotu le stifun se kul yó kem Flistin na le e gnida yó kem tau Israél, botong tlu libu klitun tók nit bè gida nwit le ne nem libu tau smakay kudà mung kul, ne yóm kwen yó kem sendalù le lómón kwen le helek bè kilil mohin. Yó nmò le mneged le ebè Mikmas, fi dmata kdaw Bit-abén ne bè yó gónó le kmamfù.

1 Samwél 30:17

Tódô nundug Dabid lu mung du yó kem tauhen, suloy le buteng mò du sfatay efet bud kifu hayahen bè yó. Laen dù bè yó kem tau Amalikayt gewà, tek són yóm fat latu kem lomi lemnok smakay kamél.