Kmukum 7:1 - Udél Dwata: Gna Kesfasad ne Lomi Kesfasad

¹ Hol hlafus bè yó, tódô temkifu btik Gidyun ne kdê yó kem tauhen na le e kmamfù klohok Sfut Harod. Lemwót kul yó kem tau Midyan fen le kmamfù fi debwak le bè yóm gónón wen datalen bè Bulul Udì Muri.

Kmukum 7:1 Iomraidhean Croise

Tekang Kbuten 12:6

tódô henlós Abram mógów lem yóm benwu yó efet gefet bè yóm tey koyu bong bè Muri yóm benwu moni bè syudad Sékém. Bè yóm kdaw yó, tolo le nô bè yóm benwu yó kem tau Kanan.

Tekang Kbuten 22:3

Tahu se, hol hlafus bè yó, wen koyu nsô Abraham mò snuken yóm hedsù Dwata du. Ominen lemulón du ta yóm kudà asnu ne niten Isak. Ne wen lewu bè yó kem gel tóbóng lówóhen bud nwiten. Mógów le ebè yóm benwu deng tulón Dwata du.

Kem Lingón 83:9

Hol nmoem bélê le yóm tehe deng nmoem bè yó kem tau Midyan, ne hol lómón yóm deng tehe nmoem bè Sisira ne bè Jabin ditu bè Él Kisun.

Kehedem Tau Tmolok 9:10

Nô kihu nmoem, hol hotuhem gelem mò du. Abay se kesoki kól bè benwu yó kem tau matay, laen kô dù bud nmoem, ne laen se kô dù bud natulem, ne laen se kô dù bud ketngónem, ne laen se kô dù bud khulungem hedem.

Juswa 3:1

Timbow hlafus hayahen bè yó, tódô temkifu btik Juswa ne kdê yó kem tau Israél, tnagak le yóm kamfù le bè Akasya, mógów le etu bè Él Jurdan ne bè yó gónó le hlun bud kmamfù, nangat le yóm kdaw le mifal.

Juswa 6:12

Timbow hol hlafus hayahen bè yó, tódô temkifu btik Juswa ne yó se yóm gewu le dulék lemibut yóm syudad yó yó kem tau gel blóng ebè Dwata ne yó kem sendalù, hol lómón yóm deng nmò le bè yóm gnan. Tanayen, wen yó kem sendalù fen gel tukô gna mò mentey, todol yóm hitu kem tau gel blóng ebè Dwata mò fen mféw, ominen yó kem dumu le mò fen mit yóm Slungan Fasad ne huli kul yó kem dumu sendalù mò mentey. Bè yóm kógów le lemibut yó, tey uni féw.

Kmukum 6:32

Lenwóten bè yó ne, yó hlós taba le ke Gidyun, Jirub-baal, lemwót bè yóm kmon maen du, “Tódô nofin Baal yóm kun knô igoen kun gónô demsù yóm deng genbà le.”

Kmukum 6:33

Là legenen bè yó, gotu le stifun yó kem kdéen tau Midyan ne yó kem tau Amélék ne yó kem dumu tau nô bè yóm benwu laen hol wen tauhen fi dmata kdaw Él Jurdan, omin le mifal yóm Él Jurdan na le e kmamfù bè Datal Jisriil.

Kmukum 6:40

Tahu se, bè yóm kifu yó tódô uliten du yóm nmò Dwata. Bè yóm kehlafusen, mékéng yóm bul ubiha ne fen héfê amù yóm tonok hilol yóm gónón masà.

Kmukum 8:29

Bè yóm kulék Gidyun, tódô hlós ebè gónóen.

1 Samwél 12:11

Ne yó nmò Dwata anì gewà ye bè yó kem hohon ye ne baling menek kbenwu ye, hógówen Gidyun, tmodol Barak, ominen Jifta ne tmodol huli duhen ou.

1 Samwél 29:1

Lemwót yó kem Flistin, gotu sentifun le yó kem sendalù le bè yóm benwu boluyen Afék ne lemwót se kul yó kem tau Israél fen le kmamfù bè yóm sfut él bè Jisriil.