Kmukum 6:9 - Udél Dwata: Gna Kesfasad ne Lomi Kesfasad

⁹ ne deng hewau yu lem tdok yó kem tau Idyip. Ne deng bud hewau yu bè yó kem tau gel gmida kuy bè ni bè Kanan. Bè yóm khusek ye elem benwu le gotu lohu lu ne blayu kuy yóm tonok le.

Kmukum 6:9 Iomraidhean Croise

Kem Lingón 105:43

Duhen yó, gotu niten lu hewà gu bè Idyip yó kem tau deng kun nélék. Ya tey kligal le, lel tey hensag le ne tey kesngal le.

Kem Lingón 136:24

Deng lenwaen tekuy lem hólól yó kem hohon tekuy. Laen kô dù tul sónen yóm kbong nawahen tekuy là monolen.

Kehewà 33:2

Wen hógówu gu bè longit mò tukô gna kuy. Ou se angat hdó kul yó kem tau bè yóm benwu yó, yó kem tau Kananayt ne yó kem tau Amurayt ne yó kem tau Hitayt ne yó kem tau Pirisayt ne yó kem tau Hibayt ne yó kem tau Jibusayt.

Kmukum 6:10

Deng tehe tulónu kuy ou se yóm sana kuy Dwata hol gónó mogot. Hol bê ye abay tmaba ebè yó kem kul dwata kéng yó kem tau Amurayt, yó kem tau tehe menwu ta nim tonok gónó ye nô ni. Okóm là kô hnungol ye do.’ ” Yó se udélen ebélê le yóm tugod Dwata.

Kmukum 6:8

Yó nmò Dwata, wen tugoden hwiten elem blóng le. Yó udél yóm tugoden, monen, “Ni se udél Dwata ebélê ye, yóm sana kuy Dwata hol gónó mogot kem tau Israél, ‘Deng hewau yu bè yóm keghesek ye bè Idyip

1 Samwél 10:18

Ne tulónen kul yóm udél lemwót gu bè Dwata yóm Dwata yó kem tau Israél, monen, “Yu kem tau Israél, deng lenwau yu gu bè Idyip ne deng lenwau yu lem tdok yó kem tau Idyip ne lem tdok yóm kdéen benwu hemgnok kuy.