Kmukum 6:6 - Udél Dwata: Gna Kesfasad ne Lomi Kesfasad

⁶ Tey sidek kélél le yó kem tau Israél.

Kmukum 6:6 Iomraidhean Croise

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

Kem Lingón 78:34

Tikóng wen hnatay Dwata bélê le, yó he kebel le ke Dwata yó kem dù tau mowil. Hegsel le, ne bud le semfulék ebè Dwata.

Isaya 26:16

Deng tehe tnafakem mi, Dwata, mi kem tauhem. Lemwót bè yóm alì sidek kebà nawa me gónó me mni tóbóng béléem.

Husiya 5:15

Ominu semfulék ebè yóm dou gónó nô ne tódô bayau lu efet dilô le yóm kegsalà le. Ke deng sidek keglayam le angat bud hnebel le o, ne bud le htóbóng béléu.”

Malakay 1:4

Ke yó udél yó kem sfu Iso bè Idom, ke mon le, “Baluen ke deng gotu gbà yóm benwu tekuy, bud tenlob tekuy yó kem deng gbà.” Okóm ni se udél yóm Dwata laen dù là gbeken du, monen, “Ke bud hdà le, angat bud genbau he. Yó angat boluy kem tau du yóm kul benwu, ‘Benwu hono sidek gel nmò kem tauhen.’ Yó gónóm mon, laen dù tul sónen yóm kebut Dwata kul.”

Dwata 28:43

Angat wen kem tólóng tau menwu lem blóng ye, sónmoen temnù yóm kfasang le mogot kuy, okóm yóm kuy kfasang sónmoen se minut lana.

Kmukum 4:3

Nim Sisira ni, wen syóm latu klitun bala tók gel niten bè gida ne botong lewu folò halayen kegenen alì hemsidek hmayam kul yó kem tau Israél. Omin le yó he bud hkodu bè Dwata yó kem tau Israél anì tnóbóngen lu.

Kmukum 6:7

Omin le yó he bud hkodu bè Dwata yó kem tau Israél anì tnóbóngen lu bè yó kem tau Midyan.