Kmukum 6:5 - Udél Dwata: Gna Kesfasad ne Lomi Kesfasad

⁵ Bè yóm ksut le, gotu nwit le yó kem ógóf le ne yó kem kamfù le. Ya tey kwen le lómón ksut tlangas. Yó kem kamél gel snakay le, là kô gbekem msó kul. Ngang le nô bè yó efet gotu mekfung hulu yó kem tau Israél.

Kmukum 6:5 Iomraidhean Croise

Isaya 60:6

Angat tonem yó kem genged kamél lemulón stodol gu bè benwu Midyan ne Ifa. Wen se lemwót gu bè Siba, mit le tahu blówón ne insinsu. Angat wen hyu tulón nit le, duhen yóm deng nmò Dwata bélê le.

Dwata 28:33

Angat gotu nwa yó kem tólóng tau yó kem hulu alì leniteg ye, laen dù guta ye se kuy. Mom hen-gnok le yu ne hensidek le yu.

Kmukum 7:12

Gotu le lememek kmamfù bè yó bè datal yó kem tau Midyan ne yó kem tau Amélék ne yó kem tau lemwót bè yóm benwu laen hol wen tauhen fi dmata kdaw Él Jurdan. Lómón kwen le lómón tlangas lememek te tonok. Yóm kwen yó kem kamél le lómón kwen le helek bè kilil mohin, là gbekem msó kul.

Kmukum 8:10

Blaem lemwót yóm lewu kem tau hol geta bè Midyan, le Siba lewu le Salmuna, deng le nô ditu bè yóm sotu benwu boluyen Karkur, mung kul yó kem sendalù le. Yó kem sendalù dù tebel lemwót bè yóm benwu laen hol wen tauhen fi dmata kdaw Él Jurdan ne tek le sfolò limu libu duen. Deng le gotu matay yóm lematu lewu folò libu kem dumu le.

Kmukum 8:21

Yó udél Siba ne Salmuna ebè Gidyun, mon le, “Uu ne hmatay kum. Là hyuhen ke hmoem ngà yóm kun nmò yóm tau bong.” Tahu se, hnatay Gidyun lu ne gotu nwahen yó kem klóón mebtes lieg kamél le.

1 Samwél 30:17

Tódô nundug Dabid lu mung du yó kem tauhen, suloy le buteng mò du sfatay efet bud kifu hayahen bè yó. Laen dù bè yó kem tau Amalikayt gewà, tek són yóm fat latu kem lomi lemnok smakay kamél.