Kmukum 6:4 - Udél Dwata: Gna Kesfasad ne Lomi Kesfasad

⁴ Mom bè yó gónó le kmamfù yóm kdê le bè yóm tonok gónó le gel mò hulu yó kem tau Israél ne gotu hensidek le yóm klamang hulu le efet kól ditu bè Gasa yóm benwu hol fi leged. Gotu nwa le bè yó kem tau Israél yóm kdê ubiha ne safì ne kudà asnu le. Balù udì ke wen tebel bélê le mò lowil le.

Kmukum 6:4 Iomraidhean Croise

Tekang Kbuten 13:10

Tahu se, temngel gu hilol Lat, tonen yóm klamang datal él Jurdan, tey wen él mlel bè yó efet kól bè Sur, skél bè yóm tehe hungul koyu Dwata ne bud skél bè benwu Idyip snéen. (Nim kestulón le Abram ne Lat ni, là deng genlà Dwata du he yó kem syudad Sodom ne Gomora.)

Kem Udél Hlalak Tehe Selumun 28:3

Yóm tau élél ke bud hen-gnoken yóm dumun élél hol lómón ke yóm kulón hemsidek hulu.

Ubadaya 1:5

Ke wen tau mnagaw bélê ye kifu, là kô gotu nwa le du kdê kimu ye, olo le ma yóm nóyô le. Dalang se yó kem tau muta bungu grép, sal gel wen tebel le bè yó kem tau élél. Okóm kul yó kem hohon ye, angat tódô gotu himot nwa le yó kem kimu ye, laen kô dù tebel.

Dwata 28:33

Angat gotu nwa yó kem tólóng tau yó kem hulu alì leniteg ye, laen dù guta ye se kuy. Mom hen-gnok le yu ne hensidek le yu.

Dwata 28:51

Yó nmò yó kem sendalù le, angat gotu tnétê le yó kem ógóf ye ne gotu ken le yó kem hulu ye ne fen ye gotu matay lemnus yó dum kuy. Laen kô dù hulu tebel le bélê ye ne laen se dù tifas grép tebel le ne laen se dù hnolo uliben. Yó kem ngà safì ye ne kem ngà ubiha ye, laen kô dù tebel le bélê ye efet ye gotu matay lemnus.

Kmukum 6:3

Ket kmò le hulu yó kem tau Israél kulel gel kundug le kul yó kem tau Midyan, mung kul yó kem tau Amélék ne yó kem dumu tau gel nô bè yóm benwu laen hol wen tauhen fi dmata kdaw Él Jurdan.