Kmukum 6:2 - Udél Dwata: Gna Kesfasad ne Lomi Kesfasad

² ne ya tey kehsidek kem tau Midyan kul. Lemwót yó kem tau Israél, gotu le mlóy elem bulul ne hebnos le gu lem yó kem kilib bè yó ne heklung le bè yó kem botu lembang.

Kmukum 6:2 Iomraidhean Croise

Jirimaya 41:9

Yóm sol él gónó Ismaél mbot lówó yó kem tau deng hnatayen yó koni, tehe hokol yóm tehe Asa yóm tau hol geta mò gónó le hemyu él bè yóm tehe kundugen du Baasa yóm tau hol geta bè Israél. Yóm sol él yó, tódô hennok Ismaél lówó yó kem tau deng hnatayen.

Hibru 11:38

Là kô wen mdengen gónó le nô, abay se deng gotu hdó le lu bè yóm kul benwu. Tódô le kem hlingkag ditu bè yó kem benwu là hyu menwu du ne ditu lem bulul. Són bè kilib gónó le nô ne bè yó kem dumu sol lem tonok. Ni kem tehe tau hemtahu ni, là kóen knóón bélê le kul nim benwu te tonok ni.

Deng Hegfan 6:15

Yóm kdéen tau te tonok, tódô le gotu tô hebnos lem yó kem kilib ne lem blóng yó kem botu lembang ditu lem bulul, kdéen tau hol geta, ne kdéen tau wen glalen, ne kdéen geta bè yó kem sendalù, ne yó kem tau kwasa, ne yó kem tau wen kfasang le, ne kdéen dumu tau, tau hesek ne tau là heseken, gotu le tô hebnos.

Kmukum 6:3

Ket kmò le hulu yó kem tau Israél kulel gel kundug le kul yó kem tau Midyan, mung kul yó kem tau Amélék ne yó kem dumu tau gel nô bè yóm benwu laen hol wen tauhen fi dmata kdaw Él Jurdan.

1 Samwél 13:6

Timbow ton yó kem tau Israél yóm tey kwen yó kem hohon le mundug kul, ya tey sidek kónó nawa le. Wen se bélê le hebnos bè yó kem kilib ne lem sol ne lem blóng yó kem botu ne lem yó kem kilib gónó le lembeng tau matay ne wen se hebnos lem sol él deng kti.

1 Samwél 14:11

Tahu se, hegfan le bè yó kem sendalù Flistin. Tikóng ton le lu ya tey kehsag le, mon le, “Tenngel ye dé wen kem Hibru gu ditu, hesut le gu lem yó kem sól gónó le hebnos.”