Kmukum 6:13 - Udél Dwata: Gna Kesfasad ne Lomi Kesfasad

¹³ Yó mon Gidyun mò du, “Ó Sér, ke nô bélê me se Dwata, moen du ke lómón ni gfà me? Nô se yó du kem hentaw ton tehe tulón le kum yó kem tehe fù me, yóm tehe nmò Dwata bélê le bè yóm tehe kwiten kul hewà gu bè Idyip? Okóm deng tódô bayà Dwata mi. Deng lusen mi elem hólól yó kem tau Midyan.”

Kmukum 6:13 Iomraidhean Croise

Tekang Kbuten 25:22

Lewu yóm bnututen ne gu laan le là deng sut tey sidek alì gel kekdol le lómón ke deng sónmò le sfatay ditu lem blututen. Yó hendem Ribika, “Moen ke lómón ni yóm bnututu?” Yó gónón tódô lemwót snólóken Dwata.

2 Tutul Israél 15:2

Yó nmoen, senlongen Asa yóm tau hol geta, bè yóm kkólen gu bè gida, hgelen udélen monen mò du, “Hnungolem ou, ne yu kem sendalù Juda ne Bindyamin. Tendo nô bélê ye Dwata ke henek ye béléen. Ke hnebel ye, angat henmóyóen yu. Okóm ke tebel ye, angat tebelen yu se kun.

Kem Lingón 27:9

Hol béem abay henbnos ou. Béem lenbut ou, béem tódô hulék ou. Són sem uu yóm gónóhu gel htóbóng. Béem bayà ou tek sotu, Dwata. Són sem uu lemwà dou.

Kem Lingón 44:1

Ó Dwata, deng hol kum klingu se mungol du yóm tehe tulón le kum yó kem fù me, duhen yóm kdê deng gendengem bè yóm tehe kul kdaw ekni.

Kem Lingón 44:2

Yóm deng gotu kehdóhem yó kem tau là hemtahu béléem ta yóm kul tonok anì blayem bè yó kem fù me yóm tonok le. Gotu genlaem yó kem hohon yó kem fù me, okóm kul yó kem fù me yó, fen hbegelem lu.

Kem Lingón 44:9

Okóm ni, deng mom kenbéem mi, ne heglaanem mi. Là bud nalakem kul ne yó kem sendalù me ebè gida.

Kem Lingón 89:49

Ó Dwata, nô se yóm tehe gel nmoem bélê me, yóm gónón gel gfan yóm kbong nawahem kum? Gónón nô se yó kem tehe fasadem ke Dabid?

Isaya 41:17

Bè yóm kdaw alì ksidek kleeng le yó kem dou tau, mebel le él bede laen kô dù ton le. Tódô mékéng lem lihol le. Timbow le hkodu béléu, tódô kendel bnalau lu. Abay se ou se kul Dwata yó kem tau Israél yóm hol gónó mogot. Là kô gbeku tódô mayà kul.

Isaya 63:11

Omin le yó he hemtulón nawa du yóm tehe kun kdaw Musis ekni, yóm sotu tau tehe tóbóng lówó Dwata. Yó sólók le, “Nô se yóm Dwata tehe lemwà yó kem tauhen mifal mohin, mung kul yó kem tau gónó le galak? Nô se yóm Dwata tehe hemsù du bè Musis yóm Tulusen?

Isaya 63:15

Ó Dwata, hol knudungem mi gu dyó bè yóm gónóhem nô bè longit. Tngón me yóm klaen dù belenem ne yóm tey kegetahem. Gónón nô se yóm alì kehedemem kum du? Ne yóm kfasangem, gónón nô de? Gónóhen nô se yóm kbong nawahem kum ne yóm kkoduhem kum? Hol béem tódô bayà mi sen.

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

Dwata 31:17

Bè yóm kmò le du yóm yó angat lenbutu lu. Tódô bayau lu ne tódô le meglà, ne tey dê glumfak sidek sut bélê le. Omin le yó he hetngón, yó gónó le gmumfak du nim ni abay se là bude nô bélê le, yóm sana kul Dwata.

Kmukum 6:1

Timbow bud nmò yó kem tau Israél yóm kenbê Dwata yóm sana kul Dwata hol gónó mogot, yó gónó Dwata hemlus kul elem hólól yó kem tau Midyan. Botong hitu halay le kegen le nô lem hólól le

Kmukum 6:12

Bè yó bè gónón kmusu gónón hegfan béléen yóm hógów Dwata yó koni ne tódô monen mò du, “Ó tau lóbô hulung gmida, tendo nô béléem Dwata.”