Kmukum 6:10 - Udél Dwata: Gna Kesfasad ne Lomi Kesfasad

¹⁰ Deng tehe tulónu kuy ou se yóm sana kuy Dwata hol gónó mogot. Hol bê ye abay tmaba ebè yó kem kul dwata kéng yó kem tau Amurayt, yó kem tau tehe menwu ta nim tonok gónó ye nô ni. Okóm là kô hnungol ye do.’ ” Yó se udélen ebélê le yóm tugod Dwata.

Kmukum 6:10 Iomraidhean Croise

2 Bok Kem Tau Hol Geta 17:13

Igò Dwata deng tendo semsulit eles hetgama yó kem tau bè Israél ne yó kem tau bè Juda hlanen bè yó kem tugoden ne bè yó kem tau gel wen htonen kul, monen, “Knogol ye ne yó kem sidek gel nmò ye, ne hol lolò ye yó kem hlauhu kuy ne yó kem hlolou kuy, yóm tehe hlolou yó kem tehe fù ye mò hol nimón le, yóm deng htulónu yó kem tugodu ne yó kem tau tóbóng lówóhu bélê ye.”

2 Bok Kem Tau Hol Geta 17:7

Yó gónón lómón ni gfà le yó kem tau Israél, lemwót bè yóm deng kegsalà le bè yóm sana kul Dwata hol gónó mogot, yóm deng lemwà kul lem hólól Faro yóm tau hol geta bè Idyip gónó le ghesek. Deng le mom tmaba ebè yó kem dwata lennged,

Nihimaya 9:29

Deng eles hetgamahem kul, Dwata, yóm angat ktafakem kul ke là nimón le du yó kem hlauhem. Okóm lemwót bè yóm tey keheklabak le, deng mom nulé le yó kem hlauhem igò le temngón du lemwót bè yóm kimón le du gónó le mowil. Tey kem tau mgel kulu, deng mom knogol le uu, là kô dog hnungol le kóm.

Kehewà 34:12

Bê ye abay mit sbilà bè yó kem tau nô bè yóm benwu gónó ye e solu abay se ke nmò ye yóm yó, yó se gónó ye gholot bélê le, yóm gónó ye là gemmò bélê le.

Kehewà 34:14

Béen abay wen bélê ye tmaba ebè yó kem kul dwata abay se tey sidek kélés nawahu du ke wen dwata lennged gónó ye tmaba.

Kem Udél Hlalak Tehe Selumun 5:13

Là kô dog nimónu du yó kem tau gel tmolok do ne là se dog kenmónu kul.

Jirimaya 10:2

yó monen, “Hol bê ye abay lolò yóm kul kmò yó kem tau bè dumu benwu. Bê ye abay likò lemwót bè yó kem ilô ton le bè longit, balù yóm alì klikò le kul yó kem tau bè dumu benwu.

Jirimaya 17:23

okóm là kô le hmungol ne là kô nimón le do. Tey mgel kulu le, là kô kenmón le du yóm hlolou kul ne là kô le medlà ke wen tafaku kul.

Jirimaya 3:13

Són olo nmò ye, hol henmóyô ye yóm deng kegsalà ye. Hen-gsel ye yóm deng kkogol ye dou, yóm sana kuy Dwata hol gónó mogot ne yóm deng kdà ye do lan ye gel tmaba ebè yó kem dwata lenbù nmò ye laan yó kem koyu lembang. Hen-gsel ye yóm là bud klolò ye do.’ Ou se yóm sana kuy Dwata hol gónó mogot nim mudél ni.”

Jirimaya 3:25

Deng tey kyak me ne ni laen dù bud madat kum, yakà deng tódô lenwóten du bè yó kem fù me ekni yóm tendo kmò me salà bè yóm sana kum Dwata hol gónó mogot. Balù udì se ke deng tô nimón me.”

Jirimaya 42:21

Nim kemdaw ni deng gotu tulónu kuy se yóm hol udélen ebélê ye yóm sana kut Dwata hol gónó mogot, okóm là kô nimón ye du. Yóm là kimón ye nim kmoen ni, hol mkél bè yóm tehe gna là kimón ye.

Jirimaya 9:13

Yó balà Dwata do, monen, “Yó gónón deng lómón yó kmoen, abay se monem yó kem dou tau, deng tebel le yóm dou hlau hlolò kul. Là nimón le do ne là kô nimón le du yóm dou hlau kul.

Sifanaya 3:2

Laen dù udél hnungol le, balù udél Dwata. Là kô le móyô ke wen tô hemtedeng kul. Là smalig le bè Dwata ne là se kô le hloni ebéléen.

Sulat Pol Ebè Yó Kem Tau Hemtahu Bè Rom 10:16

Okóm là kô kdê le du hemtahu du yóm Tulón Hyu yó. Hol mkél bè yóm sotu tehe mon Isaya ekni, yóm monen, “Ó Dwata, là holen wen tau hemtahu du yóm gel tulón me.”Duhen yó, yó gónó le hemtahu yó kem tau ke deng gungol le yóm Tulón Hyu. Ne yóm Tulón Hyu monu yó, duhen yó se yóm tulón me gbak ebè Krays.

Hibru 5:9

Tikóng deng gotu nmoen yóm hmò Maen du, yó gónó Dwata hlan du tahen yóm kegewà tekuy gu lem hatay. Kdéen tau mimón du, gotu blayen kul yóm klowil laen dù sónen.

Juswa 24:15

Ke là móyô ye lemolò du, hol eles nélék ye kemdaw ni ke dwata du de yóm lolò ye, yó kem kul dwata kéng tehe gel tnaba yó kem tehe fù ye nô sentu Él Yufratis, duhen ke yó kem dwata kul gel tnaba yó kem tau Amurayt yóm tehe fun yóm tonok gónó ye nô ni. Bong béléu dou ne yó kem fes lówóhu, tódô henlós me lemolò ke Dwata yóm sana Dwata hol gónó mogot.”

Kmukum 2:2

Ne yó deng kuy fasad do, béen wen senfasad ye bè yó kem tau menwu bè ni. Deng tehe dóku kuy hol genbà ye yó kem gónó le gel demsù ebè yó kem kul dwata lennged. Okóm là kô nimón ye du yóm deng hmou kuy yó.

Kmukum 6:9

ne deng hewau yu lem tdok yó kem tau Idyip. Ne deng bud hewau yu bè yó kem tau gel gmida kuy bè ni bè Kanan. Bè yóm khusek ye elem benwu le gotu lohu lu ne blayu kuy yóm tonok le.