Kmukum 5:9 - Udél Dwata: Gna Kesfasad ne Lomi Kesfasad

⁹ Tey kegmung nawahu kul yó kem kmandér bè yó kem tau Israél, dalang se yó kem tau tódô lemwót bè nawa le yóm kmung le bè gida. Hol dóyón tekuy Dwata.

Kmukum 5:9 Iomraidhean Croise

1 Tutul Israél 29:9

Ya tey kehligal yó kem tau lemwót bè yóm hol kewóten lem but blutut le yó kem blay le ebè Dwata yó, dalang se ke Dabid, tey kehligalen se kun.

2 Tutul Israél 17:16

Bud todol bè Jihuhanan, duhen Amasaya ngà Sikri. Tódô tmóbóng se kun bè yóm nmò Dwata, ne botong lewu latu libu kem sendalù kun nalak.

2 Tutul Israél 31:8

Tikóng ton Hisikaya ne yó kem genlalen yóm tey luduk bong yó, tey keslamat le bè Dwata ne bè yó kem kun tau Israél.

Kem Lingón 103:2

Tey kdóyónu ke Dwata. Là kô naw e klifót du yóm tey kehyu nmoen.

Kem Lingón 110:3

Bè yóm kdaw angat kwitem sgida, wen tey óyô le tmóbóng kóm yó kem tauhem. Yó kem ngà logi sendaluem alì mólós nes le, angat le sut béléem ket hlafus, hol lómón kmò le, lómón ke amù gel sut hlafus.

2 Kurin 8:12

Abay se ke lemwót bè but blutut ye yóm keblay ye, hligal du Dwata. Là kô nan e ktes du bélê ye yóm là gbek ye du, okóm yó dé kóyóen ke hol blay ye yóm són kuy gbek.

2 Kurin 8:17

Tey ktimu óyóen yóm kungolen du yóm tô bud khulék me du edyó bélê ye. Yóm gu laan me là deng mon du mò du, deng eles gegna ne yóm kun kóyô mulék edyó.

2 Kurin 9:5

Yó gónóhen wen eles hógówu tukô gna dou anì eles hentifes ye gu laanu là deng kól dyó yóm blay tehe fasad ye. Bè yóm nmò ye yó, yó gónón hol gfan yóm kewóten bè nawa ye yóm keblay ye, laen dù tlek hmau du kuy.

Kmukum 5:2

Bè yóm kdaw hol kalak le bè sgida yó kem tau malak bè Israél, yóm kdaw kehligal le mung kul yó kem tau nalak le, hol dóyón tekuy Dwata.