Kmukum 5:5 - Udél Dwata: Gna Kesfasad ne Lomi Kesfasad

⁵ Gotu megsinsig yó kem bulul bè yóm kkól Dwata. Balù Bulul Sinay, botong megsinsig se kun bè yóm kkól Dwata, yóm sana kut Dwata hol gónó mogot, yóm Dwata yó kem tau Israél.

Kmukum 5:5 Iomraidhean Croise

Kem Lingón 104:32

Balù tek olon hménég du he yóm tonok, tódô megsinsig. Ke nduen yóm bulul, tódô semfut kebelen.

Kem Lingón 114:4

Yó kem bulul, gotu le hkak lómón ke hkak yó kem ubiha logi, dalang se yó kem bulul lemnek, gotu le hkak lómón ke hkak kem ngà ubiha.

Kem Lingón 68:8

botong megsinsig tonok, lelen tey kulón bong tukô gna kóm, yóm Dwata bè Sinay yóm Dwata yó kem tau Israél.

Kem Lingón 68:9

Ya tey kehkulónem du, Dwata, botong héfê yóm tonok alì mékéng, yóm tonok deng fasadem mò blayem yó kem kóm tau.

Kem Lingón 97:5

Gotu le mnò bè soluhen yó kem bulul, lómón knò tolu. Mnò le bè solu yóm Dwata bè klamangen benwu.

Kehewà 19:18

Yóm Bulul Sinay, tódô tfeng kebel abay se mnaul elaan Dwata mung bè ofi. Yóm kebel yó, hol lómón ke kebel ofi alì hitem kmò kboben etta ne ya tey sidek kegsinsigen yóm bulul yó.

Kehewà 20:18

Timbow gungol yó kem tau yóm tey lungkul leték ne yóm tey uni féw bong ne ton le se yóm silà ne kebel gu bè yóm bulul yó, tey sidek klikò le, botong setbol kkel le, botong le mdà hlayuk.

Isaya 63:19

Yóm kmoem ebélê me ni, hol lómón ke là uu du yóm gónó me gel galak lemwót bè kbuten. Hol lómón ke là tauhem kum lemwót bè kbuten.

Nahum 1:5

Botong megsinsig yó kem bulul bè soluhen ne gotu le mnà yó kem bulul lemnek. Dalang se yóm klamang benwu gotu leminol ne gotu le matay yó kem tauhen.

Hbakuk 3:10

Ton le uu yó kem bulul, botong le gotu megsinsig. Ne tódô msut yóm tey dunuk. Ya tey lungkul yó kem dunuk, tódô setbulù eta yó kem tey lewók le.

Hibru 12:18

Bè yóm kehloni tekuy ebè Dwata, là kô gnóm tekuy du kut yóm tehe gnóm yó kem tau Israél ekni. Tey sidek klikò le bè yóm kton le du yóm tey dilóf ofi ta bulul Sinay, ne yóm tey sidek kkifuhen, lel nim tey lenos bong.