Kmukum 5:3 - Udél Dwata: Gna Kesfasad ne Lomi Kesfasad

³ Ó kem tau hol geta, hol ye hmungol. Hemklingu ye dé, yu kem tau mogot benwu, yakà naw e lemingón ebè Dwata. Lemingóne ebè yóm sana kut Dwata hol gónó mogot, yóm Dwata yó kem tau Israél.

Kmukum 5:3 Iomraidhean Croise

Tekang Kbuten 6:17

Naw na hlumfak e talak tonok yóm tey dunuk anì gotu meglà kentihen deng mowil talak tonok. Angat le gotu matay yóm kdéen nô talak tonok.

1 Bok Kem Tau Hol Geta 18:22

Ne yó bud mon Ilaydya mò kul, “Tek són ou yóm dù tugod Dwata tebel, okóm fen fat latu limu folò kun tugod Baal.

1 Bok Kem Tau Hol Geta 19:10

Bnalà Ilaydya se, monen, “Ó Dwata, tey kinì nawaw mimón kóm yóm Dwata laen dù là gbeken du. Okóm yó kem tau Israél, deng nulé le yóm tehe fasad le kóm, deng gotu genbà le yó kem gónó demsù ebéléem, ne deng gotu hnatay le yóm kdê tugodem. Tek són ou dù tebel, ne tô le mebel lan anì hnatay le o.”

1 Bok Kem Tau Hol Geta 19:14

Bud bnalà Ilaydya se, monen, “Ó Dwata, tey kinì nawaw mimón kóm yóm Dwata laen dù là gbeken du. Okóm yó kem tau Israél, deng nulé le yóm tehe fasad le kóm, deng gotu genbà le yó kem gónó gel demsù ebéléem, ne deng gotu hnatay le yóm kdê tugodem. Tek són ou dù tebel, ne tô le mebel lan hmatay do.”

Isra 7:21

Ni udélu ebè yóm kdê tau genlal mogot filak bè prubinsya fi desdef Él Yufratis, hol géhél blay ye ke Isra nô kihu hnihen, yakà du du yóm tau gel blóng ebè Dwata gel tmolok yóm kun hlau yóm Dwata nô bè longit.

Kem Lingón 119:46

Là kóe myak tmulón du bè yó kem tau hol geta yó kem hlauhem.

Kem Lingón 146:2

Klawihu mowil tendo dóyónu Dwata. Ne tendohe gel semngal ebéléen efet kukol towoku.

Kem Lingón 27:6

Yó gónóhu gemmò bè yó kem hohonu hmilol dou. Ya tey kligalu, botonge mensag bè yóm kedsuu ebè Dwata bè Gónóen, lelu lemingón ebéléen lanu dmóyón du.

Kem Lingón 61:8

Ominu yó tendo semngal yó kem sngal dmóyón kóm yóm igou dmohò du ket kdaw yó kem fasadu kóm.

Kehewà 31:6

Deng bud néléku Uhuliyab snéen mò dumuhen mò nmò yóm ngà Ahisamak tau lemwót bè ból Dan. Ne benlayu khulung snéen yó kem dumu tau wen kenhulung le anì gbek le mò du yóm kdê hmou kul.

Dwata 32:1

“Ó longit, hnungolem nim monu ni. Dalang se kóm tonok, henklinguhem nim btang bè sumóngu.

Dwata 32:3

Yó gónón lómón ni udélu abay se dóyónu yóm boluy Dwata yóm sana Dwata hol gónó tekuy mogot. Hol dóyón tekuy yóm tey kegetahen yóm kut Dwata.

Kmukum 5:7

Yó kem benwu yó kem tau Israél deng tódô gbayà, laen dù tauhen. Laen dù tauhen efet kól Dibura, hol lómón ke kól yê yó kem tau Israél.