Kmukum 5:2 - Udél Dwata: Gna Kesfasad ne Lomi Kesfasad

² Bè yóm kdaw hol kalak le bè sgida yó kem tau malak bè Israél, yóm kdaw kehligal le mung kul yó kem tau nalak le, hol dóyón tekuy Dwata.

Kmukum 5:2 Iomraidhean Croise

2 Tutul Israél 17:16

Bud todol bè Jihuhanan, duhen Amasaya ngà Sikri. Tódô tmóbóng se kun bè yóm nmò Dwata, ne botong lewu latu libu kem sendalù kun nalak.

Kem Lingón 103:2

Tey kdóyónu ke Dwata. Là kô naw e klifót du yóm tey kehyu nmoen.

Kem Lingón 110:3

Bè yóm kdaw angat kwitem sgida, wen tey óyô le tmóbóng kóm yó kem tauhem. Yó kem ngà logi sendaluem alì mólós nes le, angat le sut béléem ket hlafus, hol lómón kmò le, lómón ke amù gel sut hlafus.

Kem Lingón 136:15

Okóm gotu hneben lu lem Mohin Hulô le Faro yóm tau hol geta ne yó kem sendaluen. Laen kô dù tul sónen yóm kbong nawahen tekuy là monolen.

Kem Lingón 18:47

Du se Dwata fen meles yó kem hohonu. Heglaanen yó kem tau bè dumu benwu mò hogoten dou,

Kem Lingón 48:11

Hol hefligalem lu yó kem tau bè Bulul Sayun. Hol hefligalem lu yó kem tau bè Juda lemwót bè ktedeng kkukumem.

Kem Lingón 94:1

Ó Dwata, uu yóm Dwata fen gel meles. Hol hegfanem yóm ktedengem, Dwata yóm Dwata fen gel meles.

Kem Lingón 97:8

Deng gungol yó kem tau bè Sayun yóm kkukumem, dalang se yó kem tau bè kdê syudad bè Juda, ya tey kligal le bè yóm kungol le du.

1 Kurin 9:17

Ke tódô dou lenbù nmò nim ni, knóón ke gmutahe du sukéy. Okóm ni se hmò Dwata do, ne tey mget ksigangen du tahu.

2 Kurin 8:12

Abay se ke lemwót bè but blutut ye yóm keblay ye, hligal du Dwata. Là kô nan e ktes du bélê ye yóm là gbek ye du, okóm yó dé kóyóen ke hol blay ye yóm són kuy gbek.

2 Kurin 9:7

Duhen yó, yake ket tau eles hemdem du kbongen yóm angat blayen. Là kóen hyu yóm bemlay ke là nóen bè nawan, duhen ke song bemlay ke tek nubug le. Abay se ke Dwata kun, tey kbong nawahen du yóm tau hol nô bè nawahen bemlay.

Dwata 32:43

Ó kem dumu but tau te tonok, tey knóón ke hol dóyón ye lu yó kem tau Dwata abay se tnafak Dwata yó kem tehe hmatay kul. Bnelesen yóm nmò yó kem hohonen ne fen hnifóten salà yó kem tauhen.”

Dwata 33:21

Yó kem sfu Gad yó, deng nwa le yóm tonok alì hyu mò kul. Yóm tonok nólól le bélê le, hol tonok knóón bè yóm tau fen malak kul. Bè yóm tehe kestifun yó kem malak bè yó kem tau Israél, tey klolò le du yóm kun kóyô Dwata ne yó kem hloloen kul bè yóm któbóng le yó kem dumu le Israél.”

Flipay 2:13

abay se ke Dwata kun, wen tendo nmoen bélê ye anì wen óyô ye mò du yóm kun kóyô, ne anì wen kegbek ye mò du snéen.

Filimun 1:14

Okóm là kóe móyô ke tô ten-gnahu nawahem. Hnongum du ke deng hol tikaw kewóten lem but blututem yóm któbóngem do, là mlanen bè kubug te kóm. Yó gónóm mon, laen dù nmou ke là lemwóten béléem.

Deng Hegfan 18:20

Okóm kuy du, yóm kdê ye gel nô bè longit, hol ye hligal lemwót bè yóm deng keglaen. Hligal ye ne, yu kem tau Dwata, ne yu kem tehe gel hógów Jisas, ne yu kem tehe gel tugod Dwata, abay se deng tnafak Dwata ne lemwót bè yóm tehe sidek nmoen bélê ye.

Deng Hegfan 19:2

Yóm kkukumen tau, hono tahu ne hono tedeng. Deng tnafaken yóm libun hdóyón yó lanen mit kul elem sidek yóm kdéen tau bè klamangen benwu. Deng bnelesen yóm tehe gel khatayen yó kem tóbóng lówóhen.”

Kmukum 5:9

Tey kegmung nawahu kul yó kem kmandér bè yó kem tau Israél, dalang se yó kem tau tódô lemwót bè nawa le yóm kmung le bè gida. Hol dóyón tekuy Dwata.