Kmukum 5:18 - Udél Dwata: Gna Kesfasad ne Lomi Kesfasad

¹⁸ Okóm yó kem kul ból Sibulun ne Naftali, deng tódô hamà le klowil le bè gida.

Kmukum 5:18 Iomraidhean Croise

Tekang Kbuten 35:23

Yó ngaen bè Liya, duhen Rubén, du se hol ngà Jakub twogu, ominen tmodol Simyun ne Libay ne Juda ne Isakar ne Sibulun.

Tekang Kbuten 35:25

Yó ngaen bè Bilha yóm hesek Rakél, duhen Dan ne Naftali.

Istér 4:16

“Gotu sentifunem kdéen Ju bè Susa anì gotu ye fasting. Hol bê ye tagad mken duhen ke minum lem yóm tlu buteng. Senged se dou ne yó kem ngà libun gel tóbóng lówóhu bud nmò me se kum. Sok deng yó, mógówe ebè tum tau hol geta baluen ke nuléhu yóm udinen. Ke mataye du nim nmou ni kem kunen ne.”

Kem Lingón 68:27

Ngem, tukô gna yó kem sfu Bindyamin, là hol le wen. Tmodol yó kem tey tmuha fen malak lemwót bè ból Juda, ne bè ból Sibulun, ne bè ból Naftali.

Kul Nmò 20:24

Okóm kem kunen ne myó du, là kô ngalihu du klowilu,” mon Pol, “olo ke tô là henfuhu du yóm hmoen dou Jisas, duhen yóm ktulónu du bè kem tau yóm Tulón Hyu gbak ebè yóm lan Dwata tmóbóng kul.

1 Jan 3:16

Ni se gónó ye temngón du yóm tahu kbong nawa: Ngem yóm botong kun nawa Krays bè yóm tehe khamaen klowilen bélê tekuy. Yó gónóm mon, bè yóm gel któbóng ye yó kem dumu ye, hyu snéen ke glef ye matay bélê le.

Deng Hegfan 12:11

Okóm deng le matù béléen yó kem kut dumu setwoli deng hemtahu mlan bè kun litô yóm Ngà Ubiha deng gamà bélê le, ne bud mlan bè yóm ktahuhen deng gel hból le. Là kô knamà le du klowil le efet katay le.

Kmukum 4:10

Bè yóm kkól le bè Kédés, gotu htaba Barak yó kem ból Sibulun ne ból Naftali ne botong sfolò libu kwen kem sendalù mung du. Mung du snéen Dibura.

Kmukum 4:14

Yó udél Dibura ebè Barak, monen, “Lemwóti ne. Deng eles tukô gna kóm yóm sana Dwata hol gónó tekuy mogot. Kemdaw ni hegmoen uu bè Sisira.” Tahu se, mosol gu ta Bulul Tabur Barak ebè yóm gónó le sfatay, mung du yóm sfolò libu kem sendaluen.

Kmukum 4:6

Sotu kdaw hangayen Barak yóm ngà Abinuam menwu bè syudad Kédés bè tonok Naftali. Yó monen mò du, “Ni se udél hwiten ebéléem yóm sana Dwata hol gónó tekuy mogot kem tau Israél, ‘Semtifuni ditu bè Bulul Tabur sfolò libu tau hulung mit sgida lemwót bè ból Naftali ne bè ból Sibulun.

Kmukum 6:35

Wen se kem tau hógówen ebè klamang gónó le nô yó kem sfu Manasi, htabahen lu mò mung du. Bud wen se kem tau hógówen ebè yó kem sfu Asér ne sfu Sibulun ne sfu Naftali ne gotu le msut, mung le du.