Kmukum 5:16 - Udél Dwata: Gna Kesfasad ne Lomi Kesfasad

¹⁶ Moen du ke deng ye mom tlek tebel bè yó kem ubiha ye? Són gungol ye yó kem nuhul yó kem tau mentey kul. Tahu se, là kô le mung yó kem ból Rubén, deng mom mesgólól nawa le.

Kmukum 5:16 Iomraidhean Croise

Tekang Kbuten 49:14

Ne bè Isakar kun, hol skél bè yóm kudà asnu alì kemgis lemulón. Tódô hegnô lem blóng yó kem gel lulónen.

Kem Lingón 4:4

Béi hegsalà mlan bè kebutem. Nahem gel hendem suloy buteng, béi tagad mudél.

Kem Lingón 68:13

Balù yó kem libun tebel bè yó kem ubiha le, okóm ni, deng tódô glimun lówó le blówón bukay ne tahu blówón, lómón yóm hafak obun, kun glimun bè lówóhen.

Kem Lingón 77:6

yóm tey gel kehligalu semngal kifu. Tey kehedemu du yóm gónón stólóng nim kmoen ni.

Lista 32:24

Yó ne, hdà ye sen yóm ngà benwu ye ne mò ye kukub nbeng botu mò gónó ye hemsù yó kem ógóf ye, okóm hol dnohò ye yóm deng fasad ye.”

Lista 32:6

Yó balà Musis kul, monen, “Yó kô kóyô ye ke tô ye tebel bè ni igò le mung bè gida yó kem dumu ye?

Flipay 2:21

Tódô kdê yó kem dumu tau, sal gel hegna le yóm kul knóyô nmò, fen hfuli le yóm kun nmò Jisas Krays.

Flipay 3:19

Yó kem tau yó, angat le gógów elem lanaw ofi, abay se yóm kul knóyô lówó, hol lómón ke yó se dwata lolò le. Deng le mom hegmón du yóm nmò gónó myak. Són yó nô bè nawa le, són yóm nmò tau talak tonok.

Kmukum 5:15

Yó kem tau malak lemwót bè ból Isakar, mung le ke Dibura lewu le Barak. Gotu le mung ke Barak sektes ebè datal. Okóm yó kem ból Rubén, deng mom mesgólól nawa le.