Kmukum 5:13 - Udél Dwata: Gna Kesfasad ne Lomi Kesfasad

¹³ Lemwót yó kem dù tau Israél tebel, gotu le mosol ebè yó kem tau malak kul. Gotu le sut yó kem tau Dwata, mit le sgida bè yó kem tey sendalù deng hónô layam bè gida.

Kmukum 5:13 Iomraidhean Croise

Kem Lingón 49:14

Eles nô ta le hatay le yó kem tau yó, lómón yó kem ógóf. Tendo gel nalaken lu yóm hatay, nalaken lu elem lebeng. Okóm yó kem tau tedeng kmò le, angat le gemmò bè yó kem tau yó, yó kem tau hlós lagas lówó le bè yóm benwu yó kem tau matay, yóm benwu alì mayuk bè yóm tehe kul gónó nô talak tonok.

Kem Lingón 75:7

Kaem tek són Dwata yóm kmukum tau. Du se temngón du yóm tau wen salaen, ne bud tngónen snéen yóm tau laen dù salaen.

Isikél 17:24

Ne angat tngón yóm kdéen koyu ou se yóm sana Dwata hol gónó mogot mofok du yóm koyu tahà anì mowil yóm koyu ukol ne bud tahà se kun. Ou se hlenes du yóm koyu tolo matak ne bud hlowil yóm koyu deng matay. Ou se yóm sana Dwata hol gónó mogot yóm mudél ni. Angat nmou yóm deng monu.’ ”

Sulat Pol Ebè Yó Kem Tau Hemtahu Bè Rom 8:37

Okóm lemwót bè yóm tóbóng Krays, yóm fen kembong nawa tekuy, yó gónó tekuy matù bè yó kem mgel gel sut bélê tekuy.

Deng Hegfan 3:9

Ngem, deng wen bélê ye nfun Seitan, duhen yó se kem tau snalig le yóm ktau le Ju. Okóm sundu dou tau du yó kem tau yó. Angat htudu lu bukol bè solu ye, yó se mò gónó le temngón du yóm kbong nawahu kuy.

Kmukum 5:12

Hebtiki kut, Dibura, feni tukô kut gna. Hebtiki kut, tukói kut gna mung du lingónem. Yó ne, Barak ngà Abinuam logi, hebtiki se kóm. Nitem hlayuk yó kem tau deng negefem.

Kmukum 5:14

Mosol le ebè datal yó kem ból Ifraim, tukô gna kul yó kem ból Bindyamin. Yó kem kmandér le, lemwót le bè ból Makir ne wen se dumu genlal lemwót bè ból Sibulun.

Kmukum 5:23

Yó udél yóm hógów Dwata gu bè longit, monen, “Hol tnafak Dwata lu yó kem tau bè Miros, hol le megtafak yóm kdê le. Là kô le dog mógów ke tnóbóng le Dwata. Là dog gnida le kul yó kem sendalù Sisira deng alì layam bè gida.