Kmukum 5:12 - Udél Dwata: Gna Kesfasad ne Lomi Kesfasad

¹² Hebtiki kut, Dibura, feni tukô kut gna. Hebtiki kut, tukói kut gna mung du lingónem. Yó ne, Barak ngà Abinuam logi, hebtiki se kóm. Nitem hlayuk yó kem tau deng negefem.

Kmukum 5:12 Iomraidhean Croise

Kem Lingón 108:2

Géhéli btik, yu kem gel kenbitu. Lemingóne efet minal mwas.

Kem Lingón 57:8

Yó hendemu, btike dé anì nunihu yó kem gel kenbitu. Naw bentik kdaw mlan bè lingón.

Kem Lingón 57:9

Angate slamat béléem, Dwata, bè solu yóm kdéen tau. Angat lingónu bè yó kem dumu benwu hmilol yóm lingón dmóyón kóm.

Kem Lingón 68:18

Bè yóm kegdekem ta bè yóm bulul geta yó, Dwata, tey kem tau negef nalakem mung kóm. Wen tey basa slong le kóm yó kem tau, balù yó kem tau deng matù kóm, sana kwen kul basa kóm. Duhen ni, deng nô lem blóng tekuy bè ni yóm sana kut Dwata hol gónó mogot.

Isaya 14:2

Tey dê dumu benwu angat tmóbóng kul anì bud le gulék bè yóm benwu tehe blay Dwata kul. Ne bè yó, wen se kem dumu benwu angat baling ghesek bélê le. Ne angat tles negef yó kem tau Israél yó kem tau tehe megef kul. Ne angat tles nogot le yóm benwu tehe hemsidek kul.

Isaya 33:1

Deng le gotu golu elem hatay ne yó kem hohon tekuy. Deng tey wen hennagaw le ne tey wen gel snukat le, balù yóm klaen dù tau deng mnagaw bélê le ne laen dù tau smukat kul. Okóm yóm knagaw le yó ne yóm gel ksukat le wen sónen. Ne bud wen se hennagaw le bélê le ne smukat kul.

Isaya 60:1

Ó Jirusalim, btiki dé, holi hnóng lómón nóng kdaw. Yóm tey keslinang Dwata, yó se henged mnóng béléem.

Jirimaya 31:26

Ominu yó btik ne temngele gu hmilol. Deng tey tilob yóm ktungóu.

1 Kurin 15:34

Hol nulék nawa ye dé yóm hyu deng dnalang ye, ne hol tenflok ye yóm kmò ye sidek. Tódô tulónu kuy, tolo wen he bélê ye yóm là deng temngón ke Dwata. Là kenyak ye du kô yó?

Ifisus 4:8

Lómón yóm tehe monen bè Sulat Dwata, yóm monen, “Bè yóm tehe khawayen etta bè yóm gónón hol geta, gotu nwiten yó kem tey tau wen negefen. Ne bè yó kem kun tau, wen kenhulung blayen kul.”

Ifisus 5:14

Okóm ke wen hlayag kul, yó se gónó le baling layag se kul. Tahu yóm gel mon le, “Btiki ne, tau tungô. Mowili dé, tau matay. Wen Krays fen hlayag kóm.”

2 Timuti 2:26

ne bud mulék he yó nawa le, ne gewà le se kul gu lem yóm holot Seitan. Yakà deng gekfóen kul, ne hloloen kul yóm kun kóyô.

Kmukum 5:13

Lemwót yó kem dù tau Israél tebel, gotu le mosol ebè yó kem tau malak kul. Gotu le sut yó kem tau Dwata, mit le sgida bè yó kem tey sendalù deng hónô layam bè gida.