Kmukum 5:11 - Udél Dwata: Gna Kesfasad ne Lomi Kesfasad

¹¹ Henklingu ye lu dé yó kem tau hmilol kokol. Sentulón le yóm deng kegmò Dwata bè yó kem hohonen ne yóm deng kegmò yó kem tau Israél. Ne yó kem kun tau Dwata, bud le stifun bè bak tikeb yóm syudad le, sentulón le yóm deng kegmò Dwata.

Kmukum 5:11 Iomraidhean Croise

Tekang Kbuten 24:11

Bè yóm kkólen ditu, gotu hefenen yó kem kamél moni bè yóm kokol nô bè lewà yóm syudad yó. Uma kóm, deng móyón kimel ne, uras le mangay él yó kem libun.

Tekang Kbuten 29:2

Bè yó bè yóm gónón hnas, wen kokol tonen ne wen tlu bung ubiha hlilil gu hilolen abay se bè yó gónó le gel hinum kul. Uma kóm wen botu seng le bè bak yóm kokol yó.

Tekang Kbuten 29:3

Ke deng le gotu stifun bè yó yó kem dumu bung ubiha, bud gel kó yóm tau mentey kul yóm botu sengen anì hinum le lu bè yó. Ke deng deng khinum le kul, omin le bud hulék yóm botu seng le du.

Kem Lingón 145:7

Gotu sensból le yóm kehyu nawam, ne utóm le sngal yóm tey ktedeng kmoem.

Kem Lingón 71:15

Tulónu bè kdéen tau hono tedeng yó kem nmoem. Snilefu kdaw heglalag du yóm nawam lemwà tau, balù yóm là hol gotu ketngónu du yóm kdê deng gel nmoem béléu.

Isaya 12:3

Yóm kul kligal yó kem tau deng lenwà Dwata, hol lómón kligal yóm tau alì sidek kleengen ke minum él tnaw.”

Isaya 28:6

Ne bud blayen yó kem tau malak kul yóm óyô le mit du yóm kukum tedeng. Ne benlayen klóbô se yó kem tau mentey yó kem bak tikeb yóm syudad le anì là gbek le kul yó kem hohon le.

Jirimaya 7:2

“Mógówi ebè bak tikeb yóm dou Gónô, bè yóm bak tikeb gónó le gel husek tmaba ebéléu yó kem tau ne yó monem mò kul, ‘Ó kem tau bè Juda, hnungol ye yóm udél lemwót bè yóm sana Dwata hol gónó mogot. Hol hnungol ye yóm kdê ye gel tmaba Dwata bè ni.

Mika 6:5

Ó kem dou tau, hentulón ye nawa dé yóm tehe tô atul Balak bélê ye yóm tau hol geta bè Muab bè yóm tô kehmulaen kuy, ne yóm tehe kmò kbalà Balaam du yóm ngà Biyur logi bè yóm knihen bélê ye yóm tóbóng Dwata. Là klifót ye du kô yóm yó? Hentulón ye nawa yóm tehe gónóhu tmóbóng kuy lenwóten bè kamfù Akasya efet kól bè Gilgal, yóm tehe kdê nmou bélê ye mò gónó ye gewà.”

Dwata 33:21

Yó kem sfu Gad yó, deng nwa le yóm tonok alì hyu mò kul. Yóm tonok nólól le bélê le, hol tonok knóón bè yóm tau fen malak kul. Bè yóm tehe kestifun yó kem malak bè yó kem tau Israél, tey klolò le du yóm kun kóyô Dwata ne yó kem hloloen kul bè yóm któbóng le yó kem dumu le Israél.”

Kmukum 5:8

Bè yóm deng kélék le lomi dwata lennged yó kem tau Israél, yó gónón wen gida sut lem benwu le. Balù sotu klung duhen ke sotu buyus ke tô wen tonem bè yóm fat folò libu kem sendalù Israél.

1 Samwél 12:7

Ne ni, tódô ye henek mdà bè ni bè solu Dwata yóm igou heftulón du bè nawa ye yóm kdê deng gendeng Dwata bélê ye dalang se bè yó kem tehe fù ye ekni.