Kmukum 4:6 - Udél Dwata: Gna Kesfasad ne Lomi Kesfasad

⁶ Sotu kdaw hangayen Barak yóm ngà Abinuam menwu bè syudad Kédés bè tonok Naftali. Yó monen mò du, “Ni se udél hwiten ebéléem yóm sana Dwata hol gónó tekuy mogot kem tau Israél, ‘Semtifuni ditu bè Bulul Tabur sfolò libu tau hulung mit sgida lemwót bè ból Naftali ne bè ból Sibulun.

Kmukum 4:6 Iomraidhean Croise

Kem Lingón 7:6

Ó Dwata, hekmóni, géhéli lemwót, mung du lebutem. Senfatayem yó kem hohonu alì sidek kebut le dou. Géhéli lemwót, Dwata, nwitem yóm kukum tedeng.

Kem Lingón 89:12

Deng nmoem yóm fi debwak ne deng nmoem se yóm fi leged. Yóm bulul Tabur ne yóm bulul Hérmun, lómón ke eles le tendo hligal semngal ebéléem.

Kem Lingón 89:13

Teyi mfasang, Dwata, ne teyi gembek.

Husiya 5:1

“Ni hol hnungol ye, yu kem tau gel blóng ebè Dwata dalang se yóm kdéen tau Israél. Henklingu ye se kuy, kdê yó kem tau tbong tau hol geta hol hnungol ye yóm ukumu kuy ni. Deng ye megtuled ne yóm kdê ye lan ye mit kul gholot tmaba ebè yó kem dwata kéng ditu bè benwu Mispa ne bè benwu Tabur yó kem dumu ye tau Israél.

Kul Nmò 13:47

Yakà ni du se yóm deng hmò Dwata kum, tehe monen mò kum, ‘Yóm khógówu kuy ni, hol lómón ke yu yóm layag lem blóng yó kem tau là Ju le, anì gefet bè klamangen benwu yóm lan tau gewà gu lem hatay.’ ”

Hibru 11:32

Dô nan són ni he yóm tulónu kuy. Là getngónu tmulón du kuy yó kem dumu tau hemtahu bè Dwata ekni. Lómón le tehe Gidyun ne Barak ne Samsun ne Jifta ne Dabid ne Samwél kkólen bè yó kem tehe tugod Dwata ekni.

Juswa 1:9

Ni hol monu mò kóm, hol hotuhem gelem ne hol hfólem nawam. Béi abay hlikò ne béi abay htakas, yakà ou du yóm sana kóm Dwata hol gónó mogot ne tendohe nô béléem balù kihu gónóm e solu.”

Kmukum 4:10

Bè yóm kkól le bè Kédés, gotu htaba Barak yó kem ból Sibulun ne ból Naftali ne botong sfolò libu kwen kem sendalù mung du. Mung du snéen Dibura.

Kmukum 5:1

Bè yóm kdaw yó, lemwót le Dibura lewu le Barak yóm ngà Abinuam, lemingón le. Yó lingón le,

Kmukum 6:35

Wen se kem tau hógówen ebè klamang gónó le nô yó kem sfu Manasi, htabahen lu mò mung du. Bud wen se kem tau hógówen ebè yó kem sfu Asér ne sfu Sibulun ne sfu Naftali ne gotu le msut, mung le du.

Kmukum 8:18

Omin Gidyun smólók kul yóm lewu kem tau hol geta yó le Siba ne Salmuna, monen, “Yó kem tau tehe hnatay ye bè Tabur, kmò kton ye kul du?” Bnalà le se, mon le, “Skél le kóm, lómón tô le halas ngà tau hol geta yóm kdê le.”

1 Samwél 10:3

Bud kewót ye bè yó efet ye gefet bè yóm koyu ok bè benwu Tabor. Bè yó angat wen tlu tau semlong kuy, kem tau mógów ebè Dwata bè Bétél. Yóm sotu, wen tlu ngà kambing nalaken ne yóm sotu wen tlu mambang tahà nwiten, ominen yóm sotu wen sning kulit ógóf hnok tifas nwiten.

1 Samwél 12:11

Ne yó nmò Dwata anì gewà ye bè yó kem hohon ye ne baling menek kbenwu ye, hógówen Gidyun, tmodol Barak, ominen Jifta ne tmodol huli duhen ou.