Kmukum 4:5 - Udél Dwata: Gna Kesfasad ne Lomi Kesfasad

⁵ Yó gónón gel myón kmukum laan yóm sotu lefò gel mon le Lefò Dibura, nô bè blóng le benwu Rama ne yóm benwu Bétél bè yó kem bulul lemnek bè tonok Ifraim. Ne gel le mógów ebéléen yó kem tau Israél anì na le e hkukum du.

Kmukum 4:5 Iomraidhean Croise

Tekang Kbuten 35:8

Bè yóm knô le bè yó bè Bétél, matay Dibura, yóm libun tehe gel semgyok ke Ribika lemwót bè hanà kudien. Ne lebeng le laan yóm koyu ok fi leged Bétél. Ne yó boluy le du yóm koyu gónón lebeng yó, “Ok Gónó Langag.”

Kehewà 18:13

Timbow hayahen bè yó knukum Musis yó kem tau wen gónó le seglius, tódô lenwóten hlafus efet kól kifu kmukum, là kô wen hen-gnóen.

Kehewà 18:16

Ke wen lewu tau seglius ne mógów le ebéléu ke mahil du bélê le tahu ne tulónu kul yó kem hlau Dwata ne yó kem hloloen kul.”

Kehewà 18:19

Ke hyu béléem, wen tô hlauhu kóm ne Dwata he tendo nô béléem. Tey hyu ke uu mò dung lówó yó kem tau ebè Dwata ne ke uu tmulón du ke Dwata yó kem gónó le seglius.

Kehewà 18:26

Lu mò fen hlós kmukum bélê le. Ke wen knukum lembang nwit le ebè Musis anì du fen kmukum du. Okóm ke knukum lemnek tódô lu fen gel kmukum du.

Jirimaya 31:15

Yó bud udél Dwata, monen, “Wen tey dmumu mkik bè yóm benwu boluyen Rama anì monem, dnumu nkik Rakél yó kem ngaen ne là kô wen gembek mifa du, abay se là kô bud tonen kul ne.”

Kmukum 4:4

Wen sotu libun tugod Dwata boluyen Dibura yehen Lapidot. Bè yóm kdaw yó, du sotu gel kmukum bè yó kem tau Israél.

1 Samwél 1:1

Wen sotu tau boluyen Ilkana menwu bè Rama yóm benwu nô bè yó kem ngà bulul snakuf Ifraim. Du se ngà Jiruham ne témê Ilihu ne fù Tohu, kun ktol yóm tehe Suf.

1 Samwél 1:19

Timbow hlafus hayahen bè yó, gotu le temkifu btik na le e bud tmaba ebè Dwata, omin le mulék ebè yóm kul gónô bè Rama. Timbow sentungô Ilkana Hana, hentulón nawa Dwata yóm deng hni Hana

1 Samwél 22:6

Ne gefet bè Sol yóm deng kkól Dabid bè Juda ne yóm kmung le béléen yó kem tauhen. Bè yóm kdaw yó, tolo myón laan koyu tamaris Sol ta yóm ngà bulul bè Gibya. Wen buyus nogoten ne mdà gu hilolen yó kem genlal bè yó kem sendaluen.

1 Samwél 25:1

Omin Samwél matay ne tódô kdéen tau Israél gotu stifun lemangag du ne lebeng le bè benwuhen bè Rama bè klohok gónóen. Kewót Dabid bè yó, bud mosol ebè yóm benwu laen hol wen tauhen boluyen Maun.

1 Samwél 7:17

Ominen yó semfulék ebè yóm kun benwu bè Rama nan e bud kmukum bè yó. Ne wen gónó le demsù ebè Dwata hdà Samwél bè yó bè Rama.