Kmukum 4:4 - Udél Dwata: Gna Kesfasad ne Lomi Kesfasad

⁴ Wen sotu libun tugod Dwata boluyen Dibura yehen Lapidot. Bè yóm kdaw yó, du sotu gel kmukum bè yó kem tau Israél.

Kmukum 4:4 Iomraidhean Croise

2 Bok Kem Tau Hol Geta 22:14

Tahu se, lemwót le Hilkaya yóm tau gel blóng ebè Dwata, ne Ahikam ne Akbor ne Syafan ne Asaya, mógów le ebè yóm sotu tugod Dwata libun boluyen Hulda yehen Syalum ngà Tikba témê Harhas, menwu bè yóm lomi lebét Jirusalim. Yóm Syalum du fen gel mentey yóm gónó gel hemyu nes lem Gónô Dwata.

Kehewà 15:20

Wen sotu libun tugod Dwata boluyen Miryam, libun Aron. Nunihen yóm kun gel nuni boluyen tamburin ne kdê yó kem dumu libun gotu lemolò du. Bud nuni le se yóm kul tamburin lel le madal.

Mika 6:4

Igou deng mit kuy hewà gu bè Idyip ne deng lenwau yu gu bè yóm gónó ye ghesek. Deng hógówu tukô gna kuy le Musis ne Aron ne Miryam mò malak kuy.

Kun Snulat Luk 2:36

Wen se libun tugod Dwata nô bè yó snéen, boluyen Ana, ngà Fanwél, sotu tau semfu gu bè yóm tehe Asér. Nim libun ni, wen tehe yehenen bè yóm hanà klomihen tau, okóm deng matay. Tek hitu halay le syehen yóm ktebel tuha logihen du. Ni ne deng wolu folò fat halayen. Ne sana kheneken bè Gónô Dwata. Là skóhen yóm tendo gel kdóyónen ke Dwata, keten kdaw ne keten kifu. Wen se kdawen gel fasting anì mekteng knihen bè Dwata.

Kul Nmò 21:9

Wen fat ngaen sawang libun nim Filip ni, wen khulung le tmugod ke Dwata se kul.

1 Kurin 11:5

Okóm bè libun du kun, ke du mni bè yóm gel ksimba ye, duhen ke du tmugod ke Dwata, là hyuhen ke là wen nes dudumen. Ke là wen nô te kuluhen, lómón ke là nadaten du yóm gónón kmulu, duhen tuha logihen. Ke yó tô nmoen, laen kô dù gónón stólóng se kun bè yóm libun tenbulud.

Glasya 3:28

Duhen yó, laen kô dù gónó ye stólóng kem tau hemtahu bè Krays, tau Ju duhen tau là Ju le, tau klifen duhen tau là klifenen, logi duhen libun. Tódô gotu senged yóm kdê ye lemwót bè yóm deng kessotu ye bè Krays Jisas.

Kmukum 4:3

Nim Sisira ni, wen syóm latu klitun bala tók gel niten bè gida ne botong lewu folò halayen kegenen alì hemsidek hmayam kul yó kem tau Israél. Omin le yó he bud hkodu bè Dwata yó kem tau Israél anì tnóbóngen lu.

Kmukum 4:5

Yó gónón gel myón kmukum laan yóm sotu lefò gel mon le Lefò Dibura, nô bè blóng le benwu Rama ne yóm benwu Bétél bè yó kem bulul lemnek bè tonok Ifraim. Ne gel le mógów ebéléen yó kem tau Israél anì na le e hkukum du.

Kmukum 5:1

Bè yóm kdaw yó, lemwót le Dibura lewu le Barak yóm ngà Abinuam, lemingón le. Yó lingón le,