Kmukum 4:21 - Udél Dwata: Gna Kesfasad ne Lomi Kesfasad

²¹ Okóm tikóng deng gtungô Sisira lemwót bè yóm tey klitegen, yó nmò Jail ma bakbak ne nwahen yóm hteg toldahen, ominen hganag mógów ebè Sisira, tódô heseken bè langihen botong mahul ebè tonok ne matay.

Kmukum 4:21 Iomraidhean Croise

Kem Lingón 3:7

Géhéli Dwata yóm Dwata hol gónóhu mogot, hol lenwaem ou. Hol tnafakem lu yó kem hohonu. Kóhem bélê le yóm kgis le hemsidek dou.

1 Kurin 1:19

Deng wen hsulat Dwata ekni, yó monen, “Yóm kul khulung hedem yó kem tau temngón talak tonok, nmou sónen. Ne hegfanu yóm klaen dù muhen yóm kul ketngón yó kem tau alì bong hennagì le.”

1 Kurin 1:27

Okóm yó nmò Dwata, néléken yó kem tau glaan ketngón le mò gónón hemyak yó kem tau temngón lem nim benwu ni. Ne néléken yó kem tau laen hol genbek le mò gónón hemyak yó kem tau wen genbek le lem nim benwu ni.

Kmukum 15:15

Ton Samsun yóm tiol kakim kudà asnu lomi matay masà bè yó. Ominen mulut du ne bogulen kul ne botong lemibu Flistin hnatayen.

Kmukum 4:20

Yó bud mon Sisira mò du, “Mdai kut bè yó bè bak dólem. Ke wen tau sut ne snólóken ke deng wen tau kól bè ni, monem laen duen.”

Kmukum 4:22

Timbow msut Barak nan e nebel Sisira, senlong Jail ne monen mò du, “Hlósi, toloku kóm yóm tau hnebelem.” Tahu se, mung du husek Barak ne tódô tonen Sisira masà bè tonok deng matay, gtool bè langihen yóm hteg tolda.

Kmukum 4:9

“Yó ne,” mon Dibura, “munge kóm. Okóm ke deng tekuy gemmò là gboluyi du kóm, abay se angat blay Dwata Sisira elem hólól yóm sotu libun.” Tahu se, mung ke Barak Dibura etu bè Kédés.

1 Samwél 17:43

Ne yó udélen ebè Dabid, monen, “Ohuhe kô ke miti edini tuged?” Ominen hemmulà ke Dabid hlanen bè boluy yó kem kun dwata.