Kmukum 4:19 - Udél Dwata: Gna Kesfasad ne Lomi Kesfasad

¹⁹ Omin Sisira mni él, “Yake hinumem o dé, denge tey meeng.” Tahu se benlay Jail bede gatas, ominen bud lemimun du.

Kmukum 4:19 Iomraidhean Croise

Tekang Kbuten 24:43

Ni ou nô bè kokol. Ke wen sawang libun sut kedeng na a smulu él ne ke mnihe béléen él mò ninumu,

1 Bok Kem Tau Hol Geta 17:10

Tahu se, tódô mógów ebè Sarifat Ilaydya. Ne bè yóm deng kkólen bè bak tikeb yóm benwu yó, tonen yóm libun bolu ma koyu, ne yó monen mò du, “Ó lenibun, hinum ou kun ke wen élem?”

Isaya 41:17

Bè yóm kdaw alì ksidek kleeng le yó kem dou tau, mebel le él bede laen kô dù ton le. Tódô mékéng lem lihol le. Timbow le hkodu béléu, tódô kendel bnalau lu. Abay se ou se kul Dwata yó kem tau Israél yóm hol gónó mogot. Là kô gbeku tódô mayà kul.

Kun Snulat Jan 4:7

Bè yóm igò Jisas hegnô bè yó, lemwót yó kem gel lemolò du na le e bemli ken. Kogol le lemwót, wen libun lemwót bè Samarya sut bè yó na a mangay él. Ne mon Jisas mò du, “Ó Lenibun, hinumem ou kun él.”

Kmukum 4:18

Bè yóm kton Jail ke Sisira senlongen ne monen mò du, “Huseki elem toldahu, Sér. Huseki elemen, béi abay hlikò.” Tahu se, husek elemen Sisira, tódô masà. Omin Jail lemimun du.

Kmukum 4:20

Yó bud mon Sisira mò du, “Mdai kut bè yó bè bak dólem. Ke wen tau sut ne snólóken ke deng wen tau kól bè ni, monem laen duen.”

Kmukum 5:24

Dwata he hol muyag ke Jail, yehen Hébér yóm tau Kinayt. Hol tendo nuyag Dwata he senta yó kem dumu libun nô bè kamfù.