Kmukum 4:14 - Udél Dwata: Gna Kesfasad ne Lomi Kesfasad

¹⁴ Yó udél Dibura ebè Barak, monen, “Lemwóti ne. Deng eles tukô gna kóm yóm sana Dwata hol gónó tekuy mogot. Kemdaw ni hegmoen uu bè Sisira.” Tahu se, mosol gu ta Bulul Tabur Barak ebè yóm gónó le sfatay, mung du yóm sfolò libu kem sendaluen.

Kmukum 4:14 Iomraidhean Croise

Tekang Kbuten 19:14

Omin Lat mógów ebè yó kem logi deng leminti yóm lewu kem ngaen libun, monen mò kul, “Géhél tekuy lemwót ne, hewà tekuy bè ni abay se móyón genlà Dwata nim benwu ni.” Okóm ofo kul ke hlowon Lat yóm monen yó.

Tekang Kbuten 44:4

Timbow là deng le hol mayuk he bè yóm syudad yó, yó mon Jusif bè yóm tau snaligen bè gónóen, “Hetlasiki, ktesem lu tu kem tau tu koni. Sok gafitem lu, snólókem lu, monem, ‘Moen ke bnalà ye sidek yóm tey kehyu nmoen bélê ye yóm gónóhu mogot?

2 Samwél 5:24

Ke gungol ye uni lemafang ta yó kem koyu balsam yó, tódô kento ye mundug kul. Yóm gungol ye yó, yó se ilóen denge tukô gna kuy naw e genlà yó kem Flistin.”

Isaya 52:12

Okóm yóm kewót ye yó, là kô ye meslò abay se laen dù henlóy ye. Eles tukô gna kuy yóm Dwata gónó ye mogot ne du se tendo mofin kuy.

Mika 2:13

Angat hennas Dwata yóm lanen mit kul hewà gu bè yó kem benwu gónó le tehe e megef kul. Angat nwiten lu hewà gu bè yóm bak tikeb yóm syudad yó anì mulék le ebè yóm hol kul benwu. Yóm geta bélê le, duhen yóm sana Dwata hol gónó mogot, du se yóm tukô gna kul.

Dwata 9:3

Okóm ni deng tódô ton mata ye, fen tukô gna kuy yóm sana kuy Dwata hol gónó mogot. Hol lómón kmoen ke dmilóf ofi, gotu himoten kdéen. Laen kô dù gmò le. Duhen yó bè yóm kógów ye, mahil bélê ye mlo kul ne kendel gemlà kul lómón yóm deng fasad Dwata kuy.

Juswa 10:8

Bè yóm kewót le, yó mon Dwata mò ke Juswa, “Hol béi abay hlikò bélê le. Deng blayu lu elem hólólem. Bà sotu bélê le ke gembek kóm.”

Juswa 7:13

Yó ne Juswa, hfólós ye lu yó kem tau anì mógów le ebéléu haya. Tulónem kul eles le htifes abay se ou se yóm kul Dwata hol gónó mogot yó kem tau Israél ne wen monu mò kul. Yó monu, ‘Ó kem tau Israél, deng wen kem kimu nwa ye bè yó kem kimu hetfingu kuy mò dou. Ke là na ye kó du ni kem kimu deng hennagaw ye ni, là kô ye na a gemmò bè yó kem hohon ye.’

Kmukum 4:10

Bè yóm kkól le bè Kédés, gotu htaba Barak yó kem ból Sibulun ne ból Naftali ne botong sfolò libu kwen kem sendalù mung du. Mung du snéen Dibura.

Kmukum 7:9

Bè yóm kifu yó, dók Dwata Gidyun, monen, “Btiki, nundugem yóm kamfù yó kem tau Midyan. Angat blayu lu elem hólólem.

1 Samwél 9:26

Hol minal mwas bè yó tnaba Samwél Sol, monen, “Ó Sol, btiki ne muléki.” Tahu se, btik Sol ne slomong le Samwél ebè lan.