Kmukum 2:4 - Udél Dwata: Gna Kesfasad ne Lomi Kesfasad

⁴ Timbow deng kudél yóm hógów Dwata yó koni, ya tey kedlumu le mkik yó kem tau Israél.

Kmukum 2:4 Iomraidhean Croise

Kem Udél Hlalak Tehe Selumun 17:10

Yóm tau hulung temnef anien ke tek sulék mólów du sana kwen dnalangen senta yóm tau book baluen ke lematu dulék moug du.

Jirimaya 31:9

Botong le gotu mkik lemwót bè kligal le. Ne tey tilob kesgifau kul bè yóm bud kwitu kul semfulék. Nalaku lu hilol yóm él mlel bè yóm lan hyu gónó le là tlokob. Yakà ou du se mà yó kem tau Israél ne Ifraim se yóm hol ngau twogu.

Juwél 2:12

Ni se udél Dwata, monen, “Balù yó hem igoen tolo wen dù kdaw, hotu ye nawa ye semfulék ebéléu mung du yóm kfasting ye ne kkik ye ne klangag ye.

Sikaraya 12:10

Ne suu bè yó kem sfu Dabid ne bè yóm kdéen dumu tau bè Jirusalim yóm nawa kmodu ne yóm óyô mni bè Dwata. Angat le temngel ebéléu, yóm deng tehe tenbek le ne tey sidek klangag le, lómón klangag yóm tuha ke deng matay yóm tek sotu ngà le logi, duhen ke matay yóm ngà le logi twogu.

Kun Snulat Luk 6:21

Tey kehyuhen bélê ye kuy, yu kem tau bitil nim kmoen ni, abay se angat ye gemtu. Tey kehyuhen bélê ye kuy, yu kem tau gel mkik nim kmoen ni, abay se angat ye kmuli.

Kun Snulat Luk 7:38

Yóm kkólen bè yó, tódô mdà klohok ti Jisas, ne mkik. Gotu temdak ete ti Jisas yóm lewoken, ne bud ifuhen du weken, gloken melek tihen ne twélen du yóm hboo yó koni.

2 Kurin 7:10

Tey bong hyu se yóm kegbeng lem lemwót bè Dwata, abay se niten tekuy hegsel anì guta tekuy yóm klowil laen dù sónen. Laen kô dù gónó tekuy gsel du yóm yó. Okóm yóm kul keblat nawa yó kem tau là hemtahuhen, mom niten lu elem hatay laen dù sónen.

Sulat Jim 4:9

Hegsel ye ne bè yó kem salà ye, hol ye mkik. Yóm kkuli ye, olò hulék ye bè klangag nawa ye. Yóm kehligal ye, olò hulék ye bè kebang nawa ye.

Kmukum 2:3

Ngem, lemwót bè yóm là kimón ye yó, là hdóhu kul ta nim tonok ni yó kem tau menwu tahen. Baling hohon ye lu. Ne yóm knô ye lem blóng le, hol lómón kegnóm ye du ke nô ye lem sual ne angat yó se gónó ye gholot bè yó kem kul dwata.”

Kmukum 2:5

Ne yó gónó le moluy du Bukim yóm benwu yó. Ne wen dsù le ebè Dwata bè yó yóm sana kul Dwata hol gónó mogot.

1 Samwél 11:4

Tahu se, tikóng le kól bè Gibya bè yóm kun benwu Sol yó kem tau dók le yó koni, gotu tulón le yó kem tau bè yó yóm udél le ebélê le yó kem tau Amun ne ya tey sidek kkik yó kem tau.

1 Samwél 7:6

Tahu se, gotu le stifun bè Mispa. Wen él nwa le bè kokol ne kok le bè yó bè solu Dwata ne gotu le fasting bè yóm kdaw yó, benkas le bè Dwata yóm salà le, mon le, “Deng me gemsalà bè Dwata.” Ne bè yó bè Mispa gónó Samwél gel kmukum yó kem tau Israél.