Kmukum 2:3 - Udél Dwata: Gna Kesfasad ne Lomi Kesfasad

³ Ngem, lemwót bè yóm là kimón ye yó, là hdóhu kul ta nim tonok ni yó kem tau menwu tahen. Baling hohon ye lu. Ne yóm knô ye lem blóng le, hol lómón kegnóm ye du ke nô ye lem sual ne angat yó se gónó ye gholot bè yó kem kul dwata.”

Kmukum 2:3 Iomraidhean Croise

Kem Lingón 106:36

Tmaba le ebè yó kem dwata lennged le, ne yó se mit kul meglà.

Kehewà 23:33

Hol bê ye abay hbenwu lem blóng ye yó kem tau yó. Ke henmóyô ye lu, gemsalà ye béléu lan le mit kuy hlayuk béléu. Ke gbót ye tmaba ebè yó kem kul dwata kéng, yó se gónó ye gholot.”

Kehewà 34:12

Bê ye abay mit sbilà bè yó kem tau nô bè yóm benwu gónó ye e solu abay se ke nmò ye yóm yó, yó se gónó ye gholot bélê le, yóm gónó ye là gemmò bélê le.

Lista 33:55

Okóm ke là gotu lo ye kul yó kem tau nô ta yóm tonok yó, ngem yó kem dù tebel bélê le, hol lómón ke huling nô lem mata ye ne lómón ke sual tendo tembek bè lówó ye, senflós le sembeweg kuy.

Dwata 7:16

Gotu genlà ye lu yó kem but tau deng sù Dwata lem tdok ye ne hol bê ye abay knodu lu. Ne hol bê ye abay tmaba ebè yó kem dwata le abay se bè yó gónó ye gholot.

Juswa 23:13

tódô eles tulónu kuy, là kô bud lo Dwata du bélê ye ni kem dù hohon ye ni ke sok nundug ye lu. Deng mom lu gónó ye gholot, duhen ke lu yóm blatik gónó ye bkó. Ne tey sidek kdesen bélê ye, lómón ke nfes le gu tekwang ye ne lómón ke huling ye sual. Ngangen mò du bélê ye yóm yó efet ye gotu mekfung ta nim tey tonok hyu deng blayen kuy yóm sana kuy Dwata hol gónó mogot.

Kmukum 2:21

là kô naw e hdó kul ta nim tonok ni yó kem dù hohon le, yó kem tau là deng hdó Juswa du gu laanen là deng matay.

Kmukum 2:4

Timbow deng kudél yóm hógów Dwata yó koni, ya tey kedlumu le mkik yó kem tau Israél.

Kmukum 8:27

Okóm deng mom yó mu Gidyun du yó kem tdé blówón yó, deng mom nmoen dwata lennged ne suen bè yóm kun benwu bè Ufra. Là legenen bè yó, tódô kdê yó kem tau Israél deng mom knogol le Dwata, gotu le tmaba ebè yóm dwata lennged yó. Ne bè yó se gónón gholot Gidyun ne yó kem fes lówóhen.