Kmukum 2:18 - Udél Dwata: Gna Kesfasad ne Lomi Kesfasad

¹⁸ Ke gel wen tau kmukum sù Dwata lem blóng le, tendo eles nô béléen Dwata yóm tau yó, ne klawihen mowil sal gel lenwà Dwata yó kem tau Israél lem tdok yó kem hohon le. Yakà tey kkodu Dwata kul yó kem tauhen bè yóm tey kehegnok le kul yó kem hohon le ne bè yóm tey kehlayam le kul.

Kmukum 2:18 Iomraidhean Croise

Tekang Kbuten 6:6

tey keblat nawahen bè yóm tehe kmoen kul ne yóm kehnóen kul talak tonok. Lemwót bè yóm tey kegselen,

Kem Lingón 12:5

Yó balà Dwata kul, monen, “Deng tonu yóm alì klunog le yó kem tau laen dù gmò le. Deng gungolu dolong yó kem tau élél hnayam le. Duhen yó, lemwóte naw e lenwà lu, ni se yóm tendo hendeen le béléu.”

Kem Lingón 90:13

Kilón de kkóhen yóm kebutem kum? Hol knoduhem mi sen, Dwata, kem tau tóbóng lówóhem.

Kehewà 2:24

Ne gungolen yóm tey dolong le ne gtulón nawan yóm tehe fasaden kul le Abraham ne Isak ne Jakub.

Kehewà 3:12

Bnalà Dwata se, monen, “Elese tendo nô béléem ne bè yóm kwitem kul hewà gu bè Idyip yó kem tau, angat ye tmaba ebéléu bè nim bulul ni. Yó se ilóen yóm khógówu kóm.”

Kehewà 32:14

Tahu se, tenles Dwata hendemen, là dog dohò genlaen kul yó kem tauhen.

Husiya 11:8

Ó kem tau Israél, mò tô keblayu kuy elem hólól yó kem hohon ye du? Mò tô kbayau kuy bélê le du? Là gbeku du ke sulék genlau yu lómón yóm tehe keglau yóm lewu kem benwu Adma ne Sibuim. Lebà nawaw ke yó tô nmou. Tey mget yóm kbong nawaw kuy.

Juna 3:10

Tahu se, ton Dwata yóm nmò le yó ne tonen se yóm gotu ktebel le du yóm kdê sidek gel nmò le. Yó gónón temles hendemen ne là kô dohò tnafaken kul, lómón yóm tehe monen mò kul.

Dwata 32:36

Angat lenwà Dwata yó kem tauhen ke tonen yóm klaen dù bud kgis le. Knoduhen yó kem tau mimón du ne tonen là holen bud wen dù tebel bélê le. Yakà deng le gotu meglà, kem tau hesek ne kem tau là hesek le.

Juswa 1:5

Bè yóm klawihem mowil, Juswa, laen kô gembek gemmò béléem, yakà tódô senflósu du nô béléem lómón yóm tehe knóu bè Musis. Là kô naw e tnagak kóm ne là se kô naw e tódô bayà kóm.

Kmukum 2:19

Okóm ke deng matay yóm tau malak kul yó, bud senfulék yó kem tau Israél yóm sana kul lan ne mom milud he ksideken yóm kul nmò senta yóm kul ksidek nmò yó kem tau gna bélê le. Mom yó lolò le yó kem dumu dwata lennged ne tmaba le ebélê le ne mtud le bukol bè solu le. Là móyô le mkó du yóm sidek gel nmò le ne yóm alì kgel kulu le.

Kmukum 6:12

Bè yó bè gónón kmusu gónón hegfan béléen yóm hógów Dwata yó koni ne tódô monen mò du, “Ó tau lóbô hulung gmida, tendo nô béléem Dwata.”

Kmukum 6:16

Bnalà Dwata se, monen, “Kaem gbekem hewà kul abay se ou tmóbóng kóm. Yóm klahilem gemlà kul hol lómón ke tek sotu tau gnidahem.”