Kmukum 2:17 - Udél Dwata: Gna Kesfasad ne Lomi Kesfasad

¹⁷ Okóm yó kem tau Israél, là kô le dog hmungol bè yó kem tau tô malak kul. Deng le mom tmaba ebè yó kem dumu dwata ne mtud le bukol bè solu le. Yó kem tehe fù le, tey kimón le du yó kem hlolò Dwata kul. Okóm ni kem lomi ból Israél ni, tódô kendel knogol le Dwata, là kô le mimón.

Kmukum 2:17 Iomraidhean Croise

Kem Lingón 106:39

Deng gholu le kul knô lemwót bè yó kem sidek gel nmò le. Ne yóm alì kóyô le tmaba bè yó kem dwata lennged, bè kton Dwata du, hol lómón ke deng le mò samuk béléen.

Kem Lingón 106:43

Dê dulék Dwata deng lemwà kul, okóm mom senflós le là mimón du, ne yó mit kul meglà yóm kegsalà le.

Kem Lingón 73:27

Yó kem tau kmogol nawa kóm, Dwata, angat le gotu matay. Yó kem tau là teneb le béléem, genlaem lu.

Kehewà 32:8

Deng sana tebel le yóm lan hlolou kul ne deng wen ngà safì tudu tenwél le gu bè blówón ne tmaba le ebéléen ne demsù le ebéléen. Yó mon le, mò dwata lennged le kun, yóm mit kul hewà gu bè Idyip.

Jirimaya 6:16

Yó udél Dwata ebè yó kem tauhen, monen, “Mdà ye bè yóm gónón sesyat lan. Hnebel ye yóm lan deng legen, yóm lan hol tahu duhen ne yó lolò ye. Bè yóm klolò ye du yóm lan yó, bè yó gónón menek kegnóm ye du. Okóm deng mom yó balà ye dou, mon ye, ‘Là. Là yó du yóm lan nóyô me.’

Husiya 2:2

“Okóm ni, kem ngau hol ye hkodu bè yê ye, abay se là bud yehenu du ne là se bud yehenen do se kun. Henkodu ye béléen anì olò tenfloken yóm tendo kehdóyónen. Olò kóhen ne yóm dê suen lem uyóhen dalang se yóm nes hemyak knô gel leseken.

Amus 2:4

Yó bud udél Dwata, monen, “Deng tendo sensulit le mò sidek yó kem tau bè Juda, là kô gbeku du ke là tnafaku kul. Deng kenbê le yóm hlauhu kul, là kô nimón le du. Deng nwiten lu tlas yó kem dwata kéng tehe hentahu yó kem fù le ekni.

Glasya 1:6

Ya tey sidek ketngahu kuy. Là kóen deng legen yóm kehtahu ye, deng sana mom bud knogol ye Dwata igoen du deng tehe tmaba kuy ebéléen, hlanen bè yóm kun tóbóng Krays. Deng mom henmóyô ye yóm mon le sotu tulón hyu kun.

Dwata 31:16

Yó mon Dwata mò ke Musis, “Bang kukol towokem ne. Kesoki deng matay, là kô le bud teneb béléu ne yó kem tau ne angat nulé le yóm deng senfasad tekuy. Tódô knogol le ou ne tmaba le ebè yó kem dwata kéng yó kem tau nô ta yóm tonok móyón hnusek le.

Dwata 31:18

Bè yóm kdaw yó, là kóe bud móyô tmóbóng kul abay se tey sidek yóm nmò le bè yóm ktaba le ebè yó kem dumu dwata.”

Dwata 9:12

Omin Dwata mon du mò dou, ‘Géhéli mosol abay se yó kem tauhem deng nalakem gu bè Idyip, deng le gotu mò sidek. Deng sana knogol le yóm dou hlau kul ne deng wen dwata lenbù nmò le mò gónó le e tmaba.’

Dwata 9:16

Bè yóm kkólu bè kamfù tódô tonu yóm là bud kimón ye du yó kem hlau deng hlolò Dwata kuy yóm sana Dwata hol gónó kuy mogot. Deng ye gemsalà béléen lemwót bè yóm kmò ye ngà safì tudu tenwél mò gónó ye tmaba.

Juswa 24:24

Yó bud mon yó kem tau mò ke Juswa, “Tódô lolò me yóm sana kut Dwata hol gónó mogot. Ne nimón me yóm kdê hlauhen kum.”

Juswa 24:31

Bè yóm igò Juswa tolo mowil, tey klolò le du yó kem tau Israél yóm sana kul Dwata. Ne senged se bè yóm deng katayen, tódô senflós le lemolò ke Dwata bè yóm igò le tolo mowil yó kem tau gónó le gel galak deng mton du yóm kdê deng nmò Dwata bè yó kem tau Israél.

Kmukum 2:7

Bè yóm tolo klowil Juswa, tey klolò kem tau Israél du yóm sana kul Dwata ne senged se bè yóm deng katay Juswa, tódô seflós klolò le ke Dwata bè yóm igò le tolo mowil yó kem tau gónó le gel galak, kem tau deng tehe mton du yóm kdê deng nmò Dwata bè Israél.

Kmukum 8:33

Bè yóm katay Gidyun, là kô le bud hteneb lemolò ke Dwata yó kem tau Israél. Deng le mom tmaba ebè yó kem dwata lennged boluyen Baal. Wen sotu bélê le boluyen Baal-birit mò kul dwata.

1 Samwél 12:12

Okóm timbow ton ye yóm móyón keglà Nahas kuy yóm tau hol geta bè benwu Amun, mógów ye ebéléu ne yó mon ye mò do, ‘Móyô me ke wen tau hol geta mò malak kum.’ Yó se udél ye igoen Dwata se yóm tau hol geta senflósen malak kuy.

1 Samwél 12:17

Tngón ye kóó ni se yóm bulón muta alì kinì kdaw. Okóm ni mnihe bè Dwata anì lemték ne kmulón kemdaw ni. Bè yó he gónó ye temngón du yóm tey kegsalà ye bè Dwata bè yóm kni ye béléen tau hol geta mò malak kuy.”

1 Samwél 12:19

Yó udél le hkodu bè Samwél yóm kdê le, mon le, “Mnihi bélê me bè yóm sana kóm Dwata hol gónó mogot anì là matay me. Yakà deng mom bud tennù me yóm kdê salà me lan me mni bè Dwata tau hol geta mò malak kum.”