Kmukum 2:16 - Udél Dwata: Gna Kesfasad ne Lomi Kesfasad

¹⁶ Ominen yó wen bélê le nélék Dwata mò fen malak kul anì gewà le lem tdok yó kem tau gel mundug kul.

Kmukum 2:16 Iomraidhean Croise

2 Samwél 7:11

lenwóten bè yóm kdaw tehe kkól le bè ni, bè yóm kdaw kwen kem tau kmukum néléku mò malak yó kem tauhu Israél. Henbalingu menek kbenwu le, laen dù bud hohon le mundug kul. Lelen yó he, ni se bud udél Dwata ebéléem, tendo wen bè yó kem sfuhem seflós mogot benwu tmodol béléem.

Nihimaya 9:27

Yó gónóm mon, tódô blayem lu elem tdok yó kem hohon le. Okóm timbow deng wen gfà le, yó he kni le tóbóng ebéléem. Ne gungolem dyó bè longit yóm kni le ebéléem ne bnalaem lu. Lemwót bè yóm tey kkoduhem kul, yó gónón wen tau hógówem mò lemwà kul lem tdok yó kem hohon le.

Kul Nmò 13:20

Yó kegenen mò du yóm ni, botong fat latu bud limu folò halayen. Bè yóm deng kbenwu le bè kul benwu bè Kanan, benlay Dwata lu tau mò kmukum bélê le efet kól bè yóm kun kdaw Samwél, yóm sotu tau gna tugod Dwata ekni.

Kmukum 4:5

Yó gónón gel myón kmukum laan yóm sotu lefò gel mon le Lefò Dibura, nô bè blóng le benwu Rama ne yóm benwu Bétél bè yó kem bulul lemnek bè tonok Ifraim. Ne gel le mógów ebéléen yó kem tau Israél anì na le e hkukum du.

Kmukum 6:14

Omin Dwata mdók ke Gidyun, monen mò du, “Lemwóti ne, hotuhem gelem anì hewaem lu lem hólól yó kem tau Midyan yó kem tau Israél. Ou se nim hol mdók kóm ni.”

Rut 1:1

Tehe yu ekni, bè yóm kdaw là deng wen tau hol geta mogot bè Israél he, wen tey bitil bong bè yóm benwu yó. Wen sotu tau boluyen Ilimélék nô bè yó, semfu gu bè yóm tehe Ifrat. Nim Ilimélék ni, menwu bè Bitlihim yóm benwu snakuf Juda. Yó boluy yehenen, Numi. Ne wen lewu ngà le logi duhen le Malun ne Kilyun. Yó nmò le, mili le ebè yóm sotu benwu boluyen Muab na le e hlun menwu ditu, bà mon yóm tey bitil bong bè Bitlihim. Bè yóm deng knô le ditu

1 Samwél 12:11

Ne yó nmò Dwata anì gewà ye bè yó kem hohon ye ne baling menek kbenwu ye, hógówen Gidyun, tmodol Barak, ominen Jifta ne tmodol huli duhen ou.

1 Samwél 14:48

Tey gel khotuhen gelen bè yóm gel kwiten sgida, botong là kô le gemmò yó kem tau Amalikayt. Sal gel lenwaen yó kem tau Israél bè yó kem tau tehe gel mundug kul.