Kmukum 2:14 - Udél Dwata: Gna Kesfasad ne Lomi Kesfasad

¹⁴ Yó se gónón alì sidek kebuten kul yóm sana kul Dwata yó kem tau Israél. Yó nmoen bélê le, lusen eta le yó kem tau gel muluk mò muku yóm kdê nfun le. Blayen lu elem tdok yó kem hohon le hmilol kul ne là kô wen gmò le.

Kmukum 2:14 Iomraidhean Croise

2 Samwél 24:1

Kogolen bè yó, tey bud kebut Dwata kul yó kem tau Israél, ne hsóhen lu ke Dabid mò lan Dabid hemsidek kul, monen, “Yó ne, gotu nsóhem lu yó kem tau Israél ne kem tau Juda.”

2 Samwél 7:11

lenwóten bè yóm kdaw tehe kkól le bè ni, bè yóm kdaw kwen kem tau kmukum néléku mò malak yó kem tauhu Israél. Henbalingu menek kbenwu le, laen dù bud hohon le mundug kul. Lelen yó he, ni se bud udél Dwata ebéléem, tendo wen bè yó kem sfuhem seflós mogot benwu tmodol béléem.

2 Bok Kem Tau Hol Geta 17:20

Duhen yó, tey kekbê Dwata kul yóm kdê sfu tehe Israél. Tnafaken lu, botong blayen lu elem hólól yó kem tau gel mundug kul efet gotu hlanahen lu bè soluhen.

2 Tutul Israél 15:5

Bè yó kem kdaw yó, là hyuhen bè kem tau ke mógów le, abay se tey sbeweg lem benwu le.

2 Tutul Israél 36:16

Okóm deng mom hennê le yó kem tugod Dwata yó kem tau, là kô hnungol le kul, mom knuli le lu, efet là bud gbek Dwata hembala nawan, ne laen kô dù bud lan le gewà bè yóm kebuten kul.

Nihimaya 9:27

Yó gónóm mon, tódô blayem lu elem tdok yó kem hohon le. Okóm timbow deng wen gfà le, yó he kni le tóbóng ebéléem. Ne gungolem dyó bè longit yóm kni le ebéléem ne bnalaem lu. Lemwót bè yóm tey kkoduhem kul, yó gónón wen tau hógówem mò lemwà kul lem tdok yó kem hohon le.

Kem Lingón 44:11

Lómón kmoem kum, lómón ubiha mò tnétê. Deng gotu senklahem mi ebè yó kem tólóng benwu.

Kem Lingón 44:12

Mi kem kóm tau, lómón ke deng hbaluem mi glaan ne laen kô dù bud btes me.

Isaya 42:24

Tngón ye kô, tau du bemlay tekuy kem tau Israél elem tdok yó kem tau megef tekuy? Dwata se mò du yóm yó lan tekuy là mimón du. Là lolò tekuy du yóm kóyóen bélê tekuy ne là nimón tekuy du yóm toloken.

Isaya 50:1

Yó udél Dwata, monen, “Bè kuy kehedem du, deng kenbéu yu yó kem dou tau, hol lómón yóm logi kenbéen tuha libunen? Ke lómón yó se yóm dou nmò, nô se yóm klatas deng fenmahu bè kbéu kuy yu kem dou tau? Laen duen. Kmò kehedem ye du, deng hbaluu yu kô anì nit le yu ebè benwu mayuk, hol lómón yóm tau hbaluen yó kem ngaen anì baling le hesek? Là kô yó du lewóten yóm kegef le kuy ebè benwu mayuk. Yó lewóten, duhen yóm salà ye. Yó gónóhu hdó kuy lemwót bè yóm là kimón ye yóm hlauhu.

Jirimaya 37:10

Baluen he ke gemmò ye bè kdê yó kem sendalù Babilun ne són mowil bélê le yó kem olon hnalì, kaem yó kem olo le hnalì yó tódô le btik bè yó kem kamfù le na le e ntem nim syudad ni.”

Lista 32:13

Okóm yó kem dumu tau Israél, tey sidek kebut Dwata kul. Yó gónón htabag kul lem yóm benwu laen hol wen tauhen glem yóm fat folò halayen efet le gotu matay yó kem tau hefebut du bè yóm kdaw yó.

Lista 32:14

Ne ni, yu bud temles mò du yóm sidek tehe nmò yó kem tuha ye. Yu kem lomi tau nim kmoen ni, tô bud nmò ye yóm gónó Dwata bud lembut yó kem tau Israél.

Dwata 28:20

Ke mò ye sidek ne ke kenbê ye Dwata, angat wen tey glumfak hwit Dwata ebélê ye ne senbewegen kmò kehedem ye. Angat tey keglayam ye. Ngangen mò kuy efet ye gotu meglà yóm kdê ye.

Dwata 28:25

Ke nundug ye yó kem hohon ye, angat hegmò Dwata lu bélê ye. Bè yóm kundug ye kul tek sotu lan lolò ye, okóm bè yóm klóy ye mulék tódô ye gotu sekla. Yó kem tau bè klamangen benwu, ya tey sidek klikò le bè yóm kton le du yóm ktafak Dwata kuy.

Dwata 28:58

Ke là hteneb ye mimón du yóm kdê hlau Dwata kuy deng snulat bè nim bok ni, ne ke là knikò ye du yóm tey klinggel yóm kun boluy Dwata, yóm boluy bang gónó likò, yóm boluy yóm sana kuy Dwata hol gónó mogot,

Dwata 32:30

Bè tek olo sotu hohon le, botong le lemibu hemlóy du. Bè tek lewu hohon le, botong le sfolò libu hemlóy kul. Yó gónó le mlóy abay se deng bayà Dwata lu yóm sana kul Dwata gónó mogot. Deng tódô lusen lu elem tdok yó kem hohon le yóm kul Dwata alì gembek.

Juswa 23:16

Ke nulé ye yóm deng senfasad ye Dwata ne ke tmaba ye ebè yó kem dumu dwata kéng ne demsù ye ebélê le, tey sidek kbuten kuy yóm sana kuy Dwata hol gónó mogot ne angat tey ktafaken kuy. Là kóen legen gotu ye mekfung ta nim tey tonok hyu deng blayen kuy.”

Kmukum 2:20

Duhen yó, tey sidek kebut Dwata kul yó kem tau Israél ne yó udélen, monen, “Lemwót bè yóm deng kegbà le du yóm deng tehe senfasad me yó kem tehe fù le ni kem tau ni ne deng knogol le yó kem dou hlolò kul,