Kmukum 2:13 - Udél Dwata: Gna Kesfasad ne Lomi Kesfasad

¹³ Là bud le tmaba ebéléen, deng le mom tmaba ebè Baal ne bè yó kem lennged yóm dwata libun boluyen Astartis.

Kmukum 2:13 Iomraidhean Croise

1 Bok Kem Tau Hol Geta 11:33

Yó gónóhu mò du nim ni, abay se deng knogol Selumun o, ne deng tmaba ebè yó kem dwata kéng lemwót bè dumu benwu, boluyen Astarti yóm dwata libun gel tnaba yó kem tau Sidon, ne bè Kimus yóm dwata lennged gel tnaba yó kem tau bè Muab, ne bè Molék yóm dwata kéng yó kem tau Amunayt. Là kô bud lolò Selumun du ne yóm dou lan, là se bud nmoen du yóm gónón hefligal do. Là kô dog nimónen du yó kem dou hlau, ne yó kem dou hlolò lómón yóm tehe kun gel nmò yóm maen Dabid.

1 Bok Kem Tau Hol Geta 11:5

Deng mom tmaba ebè yóm dwata libun boluyen Astarti yóm kul dwata kéng yó kem tau Sidon ne ebè Molék yóm dwata kéng yó kem tau Amunayt, yóm alì kenbê.

2 Bok Kem Tau Hol Geta 23:13

Bud gholu Jusaya snéen yóm gónó le gel tmaba ebè dwata kéng fi dmata kdaw Jirusalim ne fi leged yóm bulul boluyen Bulul Hono Sidek. Bè yóm bulul yó, gónó Selumun bè Israél tehe hemdà yóm gónô tmaba ebè yó kem dwata kéng alì kenbê, duhen Astarti yóm dwata libun yó kem tau Sidon ne Kimus yóm dwata kem tau Muab ne Molék yóm dwata yó kem tau Amunayt, hono dwata kéng alì kenbê.

2 Tutul Israél 12:2

Lemwót bè yóm là kteneb Rihubuam bè Dwata, bè yóm glimuhen halay kmamal benwu, yó nmò Sisak yóm tau hol geta bè Idyip, nundugen syudad Jirusalim.

2 Tutul Israél 33:3

Deng mom bud hefdaen yóm gónó gel tmaba ebè dwata kéng deng tehe hegbà Hisikaya yóm maen. Lelen hemdà bè yó kem lennged Baal yó kem gónó demsù ebélê le, ne bud hefdaen yóm hehek yóm dwata libun boluyen Asira. Mtud bukol bè yó kem blotik bè longit, ne tmaba ebélê le.

2 Tutul Israél 7:22

Yó angat balà kem tau du, mon le, ‘Abay se deng knogol le Dwata yó kem kun tau yóm sana kul Dwata hol gónó mogot yó kem tehe fù le, yóm Dwata deng hewà kul gu bè Idyip. Deng le mom beklil ebè yó kem dwata kéng, lel le tmaba ebélê le. Yó se gónó Dwata mò du bélê le nim tey glumfàk le ni.’ ”

Kem Lingón 106:36

Tmaba le ebè yó kem dwata lennged le, ne yó se mit kul meglà.

Jirimaya 2:20

Yó bud mon yóm Dwata hol dandónen geta, “Ó kem tau Israél, deng tey legen ne yóm kekbê ye dou. Là kô nimón ye dou ne là se kô ye tmaba ebéléu. Tódô ket ta yó kem bulul geta ne ket laan yó kem koyu lembang gónó ye gel tmaba ebè yó kem dwata kéng. Lómó kmò ye dou lómón ke tau mdà yehen.

Lista 25:3

Nbut le bè yó ne yó kem tau Israél yóm tendo kmung le tmaba ebè yóm dwata kéng boluyen Baal bè yó bè Bulul Piyor. Ya tey sidek kebut Dwata kul.

1 Kurin 8:5

Wen se tau gel mon du, wen kem dwata nô bè longit, ne wen se nô te tonok, ne baluen ke hilu kwen le ni kem dwata mon le ni, ne yó kem dumu gónó le mogot,

Kmukum 2:11

Ngangen ne yó kem tau Israél deng mom nmò le yóm kenbê Dwata yóm sana kul Dwata, deng le mom tmaba ebè yó kem lennged yóm dwata kéng boluyen Baal.Là bud le tmaba ebè Dwata yóm sana kul Dwata hol gónó mogot yó kem tehe fù le, yóm Dwata tehe mit kul hewà gu bè Idyip. Deng le mom tmaba ebè yó kem dumu dwata kéng yó kem tau hmilol kul ne mtud le bukol bè solu le. Tey kehefebut le du yóm sana kul Dwata hol gónó mogot.

1 Samwél 12:10

Omin le yó bud hkodu mni bè Dwata anì tnóbóngen lu. Yó udél le ebè Dwata, mon le, ‘Ó Dwata, deng me gemsalà béléem abay se deng knogol me uu ne deng me mom tmaba ebè yóm dwata lennged boluyen Baal ne bè Astarti. Okóm ni, ke hol lenwaem mi bè yó kem hohon me ne són uu ne bud gónó me e tmaba.’

1 Samwél 31:10

Lemwót yóm onit Sol sù le bè gónô yóm dwata libun le boluyen Astarti ne yóm lówóhen tnutuk le bè beng yóm syudad le boluyen Bit-san.

1 Samwél 7:3

Yó udél Samwél ebè kdê yó kem tau Israél, monen, “Ke hol tahu lemwót lem but blutut ye yóm bud kesfulék ye ebè Dwata, hol knogol ye ne yó kem tólóng dwata lolò ye dalang se yóm dwata lennged boluyen Astarti. Hogot ye ke Dwata klowil ye ne són du nimón ye. Ke ni se nmò ye, angat lenwaen yu lem hólól yó kem Flistin.”