Kmukum 2:10 - Udél Dwata: Gna Kesfasad ne Lomi Kesfasad

¹⁰ Timbow le deng gotu matay se kul yó kem tau Israél tolo mowil bè yóm kdaw yó, lemwót yó kem lugod le tmodol huli kul, deng mom knogol le yóm sana kul Dwata hol gónó mogot, klifót le yóm deng tehe nmoen bè yó kem tau Israél.

Kmukum 2:10 Iomraidhean Croise

Tekang Kbuten 15:15

Okóm kóm, angat gsengel ktuhahem ne menek kegnómem du bè yóm katayem ne hyu kebeng le kóm.

Tekang Kbuten 25:17

Yó kegen Ismaél tau, lematu bud tlu folò hitu halayen, ominen matay.

Tekang Kbuten 49:33

Timbow deng kudél Jakub ebè yó kem ngaen, ominen yó hganag bud hlilil ne milot se nawahen.

2 Samwél 7:12

Ke dengi matay, ne lebeng le uu bè gónó le lembeng yó kem tehe fuem, angat sotu bè yó kem ngaem fen temles kóm, ne hbegelu yóm kogoten benwu.

1 Tutul Israél 28:9

Ne uu, ngau Selumun, yake holi setngón ke Dwata yóm Dwata yó kem fuem. Hol nmoem yóm hmoen kóm Dwata, ne hol hewótem lem but blututem yóm óyóem hol mimón du. Yakà yóm Dwata yó, gotu tonen yóm nô lem hendem yóm ket tau, ne gotu tngónen yóm kdê atulen ne kdê hendemen. Ke hnebelem Dwata, dohò se ktonem du. Okóm ke tebelem, bud laen kô dù tul sónen yóm kdohò yóm kekbéen kóm.

Kehewà 1:6

Ngang le nô bè Idyip le Jusif ne yó kem dumun setwoli efet le gotu matay yóm kdê le, dalang se yó kem yehen le ne yó kem dumu le tmuha bè yóm kdaw yó.

Kehewà 1:8

Ngangen ne efet bud wen lomi Faro mogot bè yó. Nim Faro ni, balù udì ke wen tngónen bè yó kem hyu tehe nmò Jusif ekni.

Kehewà 5:2

Yó udél Faro, monen, “Dwata du de myó? Moen du ke tô hnungolu ne ke tô hlusu lu lemwót yó kem tau Israél? Là kô tngónu du dou yóm Dwata yó ne là kô hlusu kul.”

Jirimaya 22:16

Sal gel tedeng kukumen yó kem tau élél ne kdê yóm nmoen sal hyu uléken. Yó se yóm kmò ketngónen dou,” mon Dwata.

Jirimaya 31:34

Là bud tnolok le kul ne yó kem dumu le sebét ne yó kem fes lówó le ke mon le, ‘Yake hol tngón ye Dwata.’ Abay se angat tódô kdê le temngón dou lenwóten bè leneken kkólen bè lebangen. Angat gotu hnifótu yó kem sidek deng nmò le ne là kô bud hendemu du ne.”

Jirimaya 9:2

Hyu dé ke wen gónóhu nô ditu lem yóm benwu laen hol wen tauhen anì glayuke bè yó kem dou tau, yakà deng le gotu baling tau mdà yehen, tau mahil hmatay dumu tau.

Jirimaya 9:3

Yó udél Dwata, monen, “Sónmò le tmulón kéng yó kem dou tau, là ndà le du yóm ktahuhen. Sónmoen temnù ksideken yóm gel nmò le. Laen dù bud nawa le ebéléu,” mon Dwata.

Jirimaya 9:5

Ket tau, snukaten kem dumun. Laen kô dù bélê le tmulón yóm ktahuhen. Hono kéng btang bè sumóng le. Botong le miteg bè yóm kmò le salà.

Lista 27:13

Ke deng tonem tahen yóm tonok yó, bang katayem ne lómón yóm twoguhem Aron

Kun Snulat Luk 20:32

Ngangen efet matay se kun yóm libun.

Kul Nmò 13:36

Yóm utóm lingón Dabid yó, là kóen gbak ebè kun knô. Abay se bè yóm deng gotu kdeng Dabid yóm hmò Dwata du, matay se kun, ne lebeng le klohok yó kem tehe fuen, ne deng kem bolok ne lówóhen.

Dwata 31:16

Yó mon Dwata mò ke Musis, “Bang kukol towokem ne. Kesoki deng matay, là kô le bud teneb béléu ne yó kem tau ne angat nulé le yóm deng senfasad tekuy. Tódô knogol le ou ne tmaba le ebè yó kem dwata kéng yó kem tau nô ta yóm tonok móyón hnusek le.

2 Tisalunika 1:8

Ne wen tey dilóf ofi mung du snéen mò tafaken yó kem tau kembê ke Dwata, ne là mimón du yóm Tulón Hyu gbak ebè yóm gónó tekuy mogot Jisas.

Taytus 1:16

Ya mo kmon le du tngón le Dwata, okóm tódô dilóem bè yóm nmò le yóm là ktahuhen. Kem tau alì sidek nmò le, ne là hdon le. Là kô gbek le mò du yóm hyu.

Juswa 24:31

Bè yóm igò Juswa tolo mowil, tey klolò le du yó kem tau Israél yóm sana kul Dwata. Ne senged se bè yóm deng katayen, tódô senflós le lemolò ke Dwata bè yóm igò le tolo mowil yó kem tau gónó le gel galak deng mton du yóm kdê deng nmò Dwata bè yó kem tau Israél.

1 Samwél 2:12

Wen lewu kem ngà Ili logi bede hono sidek yóm gel nmò le, snonol le Dwata, là kô nadat le du.