Kmukum 16:9 - Udél Dwata: Gna Kesfasad ne Lomi Kesfasad

⁹ Bede deng eles wen yó kem tau Flistin deng bnos Dilayla bè yóm sotu dfél bè gónóen. Timbow deng kféten du, ominen lemangat, monen, “Ó Samsun, btiki. Ni kem Flistin deng le kól bè ni.” Tahu se, hboluk btik Samsun ne tódô gotu hto yóm hitu dolol fét boho hanà lomi, hol lómón ke hentohem ofi yóm balu tnikel. Ne là kô tngón le du gónón gu lemwót yóm kgis Samsun yó.

Kmukum 16:9 Iomraidhean Croise

Kem Lingón 58:9

Angat gotu kó Dwata lu, homongen yó kem lomi tau dalang se yó kem tuha. Là kóen legen kmoen du, lómón yóm kuleng nô ta ofi, là legenen deng sana kinì.

Kmukum 15:14

Timbow kól bè Lihi Samsun, tódô henmung senlong yó kem sendalù Flistin, ya tey kehsag le. Ominen tódô sut bè Samsun yóm Tulus Dwata, tey kehekgisen du. Tódô kem kdà odoy Samsun semdihot du yóm tébéd fét le bè sigelen ne bè henmuen, lómón kegnómen du lómón ke olo balu kdungon deng mlób, tódô gotu hto.

Kmukum 16:10

Yó bud mon Dilayla mò ke Samsun, “Tey kóem nmoem béléu ni du, hnowonem ou. Là kô tulónem du do yóm ktahuhen. Hol tulónem do dé ke tedu nmò le béléem anì gfét le uu.”

Kmukum 16:7

Bnalà Samsun se, monen “Ke wen mfét dou hitu dolol yóm fét boho hanà lomi tódô monol yóm kgisu, lómón kgis dumu tau.”

Kmukum 16:8

Tahu se, wen nwit le ebè Dilayla hitu dolol yóm fét boho hanà lomi yó kem tau malak bè yó kem Flistin, omin Dilayla mfét ke Samsun.