Kmukum 16:5 - Udél Dwata: Gna Kesfasad ne Lomi Kesfasad

⁵ Yó nmò yó kem tau malak bè yó kem Flistin mógów le ebè Dilayla, mon le mò du, “Snukatem Samsun anì tulónen kóm yóm gónón lemwót kgisen ne ke tedu nmò me anì gemmò me béléen, anì gfét me ne anì laen dù bud gmoen. Ke tulónem kum, sket benlay me u lemibu bud lematu botù blówón bukay.”

Kmukum 16:5 Iomraidhean Croise

Tekang Kbuten 33:16

Duhen yó, bè yóm kdaw yó lemwót mulék ebè Idom ke Iso.

Matyu 26:15

Yó snólóken bélê le, monen, “Hilu de blay ye do ke ou fen malak kuy ebè Jisas?” Deng mom yó nmò le, tódô nsó le béléen tlu folò botù yóm kul filak mgel.

Kmukum 14:15

Bè yóm gfaten kdaw, yó nmò le sentulón le yehen Samsun, mon le, “Hol hninggelem semtulón ke tuha logihem anì tulónen kóm lan tum ngeden. Ke là, angat ntem me gónô maem ne gomongi mlób se kóm. Mone yó kô gónó ye tminok kum lewu ye maem anì mulék me élél? Yó kô atul ye?”

Kmukum 16:4

Kogolen bè yó, wen sotu libun Flistin bud niwol Samsun boluyen Dilayla, menwu bè Datal Surék.

Kmukum 16:6

Tahu se, stulón ke Samsun Dilayla, monen mò du, “Hol tulónem dou sen gónón lemwót yóm kgisem ne tedu nmò le béléem anì gfét le uu.”

1 Samwél 29:6

Omin Akis htaba ke Dabid ne monen mò du, “Safau bè yóm Dwata yó kem tau Israél, uu se yóm tau gsalig deng tngónu. Ke béléu do móyóe ke mungi do sfatay, okóm là móyô yó kem dumuhu tau hol geta bè Flistin.