Kmukum 16:16 - Udél Dwata: Gna Kesfasad ne Lomi Kesfasad

¹⁶ Tódô ket kdaw Dilayla mubug ke Samsun, là kóen tmakas. Efet tódô tmakas Samsun là bud gbalahen du yóm tendo kubug Dilayla du.

Kmukum 16:16 Iomraidhean Croise

Juna 4:9

Okóm yó bud mon Dwata mò du, “Hyu kô, Juna, yóm alì kebutem du yóm kenes yóm hulu yó?” Bnalà Juna se, monen, “Wen se buten nim kebutu ni. Tumù nawaw tódô kem matay ne.”

Mark 14:24

Yó monen, “Ni se dou litô mò hemget du yóm fasad nmò Dwata mò lan tau mógów ebéléen. Ne tey tau wen gónóhen gamà nim litóu ni.

Kun Snulat Luk 11:8

Mò kmò ye du de,” mon Jisas, “ke là btiken ebélê ye? Tódô tulónu kuy, anien ke là btiken na a tmóbóng kuy lemwót bè yóm keswè ye, angat btik he yó syan ke là teflok yóm kni ye béléen, ne gotu suen bélê ye yó kem hni ye.

Kun Snulat Luk 18:5

lemwót bè yóm alì kehlalahen dou nim libun bolu nii, tódô nofinu ne anì laen dù gmò le béléen yó kem hohonen. Ke là nofinu du, tódô senflósen se tendo hmala dou efete mom tmakas.’ ”

Kmukum 14:16

Tahu se, stulón ke Samsun yehenen mung du kiken, monen, “Là kô dog kenbong nawahem do, mom knutó nawahem ou. Deng wen ngedem yó kem weem, là sem dog tulónem du do lanen.” Mon Samsun se, “Tenngelem dé, sélét mom u ne gónóhu tmulón du anì sem le mà du ne yê, là kô tulónu du kul.”

Kmukum 14:17

Tódô ket kdaw yehen Samsun mkik béléen lem yóm hitu kdaw le mò ken. Timbow kól bè ghituhen kdaw, tódô tulón Samsun du lan yóm ngeden abay se tódô senflós yehenen mubug smólók du. Omin yehenen gotu bud tmulón du bè yó kem Flistin.

Kmukum 16:15

Bud mon Dilayla mò du, “Igoem sem mon du mò do du bong nawahem do, moen du ke tolo wen bunihem béléu? Deng tlu dulékem ni ne hmowon dou. Là kô tulónem du dou yóm gónón lemwót kgisem.”

Kmukum 16:17

Efet tódô tulónen du yóm ktahuhen, monen, “Lemwót bè yóm tehe ksutu efet nim kmoen ni là kô deng wen kemleng du he nim weku, abay se deng hetfing le o ebè Dwata mò tau Nasarit. Ke kenleng le nim weku ni tódô monol yóm kgisu, lómón kgis yó kem dumu tau.”