Kmukum 16:10 - Udél Dwata: Gna Kesfasad ne Lomi Kesfasad

¹⁰ Yó bud mon Dilayla mò ke Samsun, “Tey kóem nmoem béléu ni du, hnowonem ou. Là kô tulónem du do yóm ktahuhen. Hol tulónem do dé ke tedu nmò le béléem anì gfét le uu.”

Kmukum 16:10 Iomraidhean Croise

Kem Udél Hlalak Tehe Selumun 24:28

Béem lenbù gbót tmifù yóm dumum ne béi se tódô lembù mò tulón etahen.

Isikél 33:31

Tahu se lemwót le, myón le bè soluhem hlingón hnungol le yóm tulónem. Okóm là kóen nô bè nawa le mimón du yóm dou tulón kul mlan béléem. Tey hyu yóm udél kesbong nawa gel btang bè sumóng le, okóm là kô kó le du yóm keseglom le anì wen guta le.

Kun Snulat Luk 22:48

Okóm mon Jisas mò du, “Na, Judas, tô hlanem bè kelekem yóm Ngà Tau kô yóm katulem du?”

Kmukum 16:11

Mon Samsun se, “Ke nfét le o tébéd hanà lomi, yóm là deng wen mfét du tódô monol yóm kgisu, lómón kgis yó kem dumu tau.”

Kmukum 16:13

Yó bud mon Dilayla mò ke Samsun, “Tey kehlowonem do, là kô tulónem du do yóm ktahuhen. Tulónem do sen ke tedu nmò le béléem anì gfét le uu.” Mon Samsun se, “Ke mung ewelem bè yóm newelem yóm hitu slofil weku, ominem hemget du tódô monol yóm kgisu, lómón kgis yó kem dumu tau.”

Kmukum 16:7

Bnalà Samsun se, monen “Ke wen mfét dou hitu dolol yóm fét boho hanà lomi tódô monol yóm kgisu, lómón kgis dumu tau.”

Kmukum 16:9

Bede deng eles wen yó kem tau Flistin deng bnos Dilayla bè yóm sotu dfél bè gónóen. Timbow deng kféten du, ominen lemangat, monen, “Ó Samsun, btiki. Ni kem Flistin deng le kól bè ni.” Tahu se, hboluk btik Samsun ne tódô gotu hto yóm hitu dolol fét boho hanà lomi, hol lómón ke hentohem ofi yóm balu tnikel. Ne là kô tngón le du gónón gu lemwót yóm kgis Samsun yó.