Kmukum 15:8 - Udél Dwata: Gna Kesfasad ne Lomi Kesfasad

⁸ Tahu se, na a nmò Samsun hemsidek mundug kul, tey dê hnatayen bélê le. Ominen yó lemwót etu bè yóm sotu kilib bè yóm léhék boluyen Itam ne bè yó gónón nô.

Kmukum 15:8 Iomraidhean Croise

2 Tutul Israél 11:6

Hbegelen Bitlihim ne Itan ne Tikwa,

Isaya 63:3

Yó balà Dwata du yóm sólók yó, monen, “Deng gotu ndau elaan yó kem hmohon do bè klamang benwu. Lómó kmou kul lómón smóyów mdà bungu grép. Ne laen kô dù tau na a tmóbóng dou mò du. Gotu ndau lu elaan lemwót bè kebutu kul. Yóm litô le tódô gotu demket bè nesu.

Isaya 63:6

Lemwót bè kebutu, gotu ndau lu elaan yó kem hohonu bè klamangen benwu, gotu genlau lu. Gotu gamà bè tonok litô le.”

Hibru 11:34

Ne laen dù hemen le bè yóm tehe kbot le kul elem yóm tey ofi. Ne bè yóm tehe tô ktibó le kul, là gehlósen. Tau laen dù kgis le, okóm botong le baling kemgis. Wen se bélê le alì hulung sfatay bè gida, botong laen dù gmò yó kem hohon le lemwót bè dumu benwu.

Kmukum 15:10

Ne snólók le lu yó kem tau bè Juda, mon le, “Moen ke nundug ye mi?” Mon le se, “Nim nógów me ni na me e kenfô Samsun. Bud hulék me ebéléen yóm sidek nmoen bélê me.”

Kmukum 15:11

Duhen yó, botong tlu libu kwen le yó kem tau lemwót bè Juda mógów ebè Samsun ditu bè léhék Itam ne mon le mò du, “Ilóem là tngónem du kô yóm knô tekuy lem hólól yó kem Flistin? Tedum nmoem bélê me ni du?” Mon Samsun se, “Nmou bélê le yóm deng nmò le béléu.”

Kmukum 15:7

Yó udél Samsun ebè yó kem tau mò du yóm yó, monen, “Lemwót bè nim deng nmò ye ni, safau là kô kóhu du nim nmou bélê ye ni efet gotu gbelesu kdéen.”

Kmukum 15:9

Timbow kogolen bè yó, lemwót yó kem tau Flistin gotu le kmamfù bè Juda bè yóm kul benwu yó kem tau Israél na le e nundug yóm benwu Lihi.