Kmukum 15:6 - Udél Dwata: Gna Kesfasad ne Lomi Kesfasad

⁶ Snólók kem Flistin, mon le, “Tau du se mò du nim ni?” Bnalà le se, mon le, “Samsun, lan tuónen yóm tau lemwót bè Timna, bud hyehen du bè yóm hol dumun swè yóm yehenen.” Yóm kungol le du yóm yó, tódô lemwót yó kem Flistin nwa le yehen Samsun mung du maen, dnutung le lu.

Kmukum 15:6 Iomraidhean Croise

Kem Udél Hlalak Tehe Selumun 22:8

Yóm tau gel mulu yó kem nmò là tedengen, glumfaken bunguhen ne gesón se kehegnoken kem dumun.

1 Tisalunika 4:6

Kóyô Dwata ke là nulé ye du ni kem monu ni koni, anì laen dù gónó ye sgulé bè kem dumu ye. Deng tehe tulón me kuy se nim ni, ne deng tehe eles hetgama me kuy yóm ktafak yóm gónó tekuy mogot yó kem tau mò du.

Kmukum 14:15

Bè yóm gfaten kdaw, yó nmò le sentulón le yehen Samsun, mon le, “Hol hninggelem semtulón ke tuha logihem anì tulónen kóm lan tum ngeden. Ke là, angat ntem me gónô maem ne gomongi mlób se kóm. Mone yó kô gónó ye tminok kum lewu ye maem anì mulék me élél? Yó kô atul ye?”

Kmukum 15:5

Ominen gotu hemtom kul ne gotu htagawen yó kem bolos yó e talak halay yó kem Flistin. Bè yóm nmoen yó, gotu mlób yó kem deng nuta le gomong yó kem là deng nuta le du he. Balù yóm gónó le gel mulu grép ne yóm gónó le gel mulu koyu ulib, gotu gomong mlób.

Kmukum 15:7

Yó udél Samsun ebè yó kem tau mò du yóm yó, monen, “Lemwót bè nim deng nmò ye ni, safau là kô kóhu du nim nmou bélê ye ni efet gotu gbelesu kdéen.”