Kmukum 14:9 - Udél Dwata: Gna Kesfasad ne Lomi Kesfasad

⁹ Lemwót Samsun, wen nwahen bè yóm tneben ne kenen bè yóm igoen mógów. Ominen bemlay kul le maen ne yéen ne ken le se kul. Okóm là kô dog tulón Samsun du kul yóm kwahen du bè tiol yóm liyun deng tehe hnatayen.

Kmukum 14:9 Iomraidhean Croise

Kem Udél Hlalak Tehe Selumun 24:13

Ó Man, mkeni tneb abay se tey hyu ne tey mnóm béléem yóm tneb.

Kem Udél Hlalak Tehe Selumun 25:15

Yóm tau manay nawahen gwahen nawa yóm tau kmamal ne yóm udél ganag gbeken mgoy yóm tau mgel kuluhen.

Kmukum 14:10

Omin le maen hlós ebè gónô yóm libun niwol Samsun ne bè yó gónó Samsun mò ken bong bè lówóhen. Yó se kul gel adat yó kem sawang logi bélê le.

Kmukum 14:8

Sotu kdaw bè yó, bud le mógów ebè Timna le Samsun anì nan e yehen yóm libun yó. Bè yóm igoen mógów nan slob tenngel yóm liyun tehe hnatayen, ne tey ketngahen du deng mom wen tmaing tonen mngà bè tiol lówó yóm liyun.

1 Samwél 10:16

Bnalà Sol, monen, “Yó monen mò do, deng ton le lu ne kun yó kem kudà asnu hnebel me.” Okóm là kô tulón Sol du ke mà dien yóm deng ketwél Samwél du hnolo bè yóm kbalingen tau hol geta.

1 Samwél 14:1

Sotu kdaw bè yó, yó mon Junatan bè yóm logi lomi lemnok gel mit klungen, “Lemwót te ne mógów te etu bè kamfù kem Flistin.” Okóm là kô tulón Junatan du ke maen yóm tô nmoen yó.