Kmukum 14:6 - Udél Dwata: Gna Kesfasad ne Lomi Kesfasad

⁶ Uni Samsun mton du, tódô hekgis Dwata ne senfék Samsun kakim yóm liyun yó. Tek són tdoken moen du, lómó kegnómen du lómón ke olon ngà kambing. Okóm là kô dog tulónen du yó kem tuhahen yóm nmoen yó.

Kmukum 14:6 Iomraidhean Croise

Kem Lingón 91:13

Angat gotu ndaem lu elaan yó kem liyun ne yó kem ulal, balù nô klóbô yó kem liyun, ne balù nô kalas yó kem ulal.

Isaya 42:2

Nim tau néléku ni, là kóen na a gel hetê ne là kô hgelen du udélen, duhen ke mudél mgel gu bè gónón wen.

Sikaraya 4:6

Ominen mon du mò dou, “Ni se udél Dwata ebè Sirubabél. Yóm nmoem là lemwóten bè kegbek tau duhen ke bè kgis tau, okóm lemwót bè dou Tulus, udél yóm Dwata laen dù là gbeken du.

Matyu 11:29

Tles nbô ye dé yóm dou nbô, ne hol ye dmalang béléu, abay se ganag nawahu, ne là kóe hegeta knô. Ke yó se kuy nmò, là kô ye na e bud miteg.

Hibru 11:33

Ni kem tehe tau gnan ni ekni, lemwót bè yóm kehtahu le bè Dwata, yó gónó le gel matù bè yóm gel kesgida le. Tódô nmò le yóm tedeng, ne yó gónó le gmuta du yóm fasad Dwata kul. Lemwót bè kehtahu le, là kô gebngat le du kakim le yó kem liyun tô msék kul.

1 Jan 3:8

Okóm yóm tau senflósen mò salà, du se kun tau Seitan, yakà Seitan du yóm hol mò salà lemwót bè kbuten. Yó se gónón tehe hbaling tau yóm Ngà Dwata nan e nmò sónen yóm nmò Seitan.

Kmukum 13:25

Ne nbut yóm Tulus Dwata hekgis du bè yóm igoen nô bè Kamfù Dan bè blóng le benwu Sura yóm benwu Istaol.

Kmukum 14:19

Ne tódô sut bè Samsun yóm Tulus Dwata tey kehekgisen du. Ominen lemwót mosol etu bè yóm sotu benwu Flistin boluyen Askilun nan e hmatay tlu folò kem logi bè yó ne gotu nwahen nes le ne blayen bè yó kem tau malà yóm ngeden. Kogolen bè yó tódô mulék mneged ebè le maen, ya tey sidek kebuten.

Kmukum 14:5

Kewót le Samsun ne yó kem tuhahen mosol le ebè Timna. Bè yóm igò le moni bè yóm gónó le gel mulu grép yó kem tau bè Timna, gungol Samsun yóm tey ngel liyun tô demlu du.

Kmukum 14:7

Bè yóm kkól le bè Timna, tódô hlós Samsun ebè yóm libun niwolen ne stulón du. Tey óyô Samsun du yóm libun yó.

Kmukum 15:15

Ton Samsun yóm tiol kakim kudà asnu lomi matay masà bè yó. Ominen mulut du ne bogulen kul ne botong lemibu Flistin hnatayen.

Kmukum 15:8

Tahu se, na a nmò Samsun hemsidek mundug kul, tey dê hnatayen bélê le. Ominen yó lemwót etu bè yóm sotu kilib bè yóm léhék boluyen Itam ne bè yó gónón nô.

Kmukum 16:30

Sen-gengen se mni bè Dwata, monen, “Ó Dwata, homongem o ne matay bè ni kem Flistin.” Tódô hotuhen gelen tmulud yó kem hehek lembang ne tódô tbó yóm gónô bong eta yóm limu kem tau hol geta bè yó kem Flistin ne bè kdê yó kem dumu tau nô bè yó. Tey tau wen mung matay bè Samsun senta yó kem hnatayen bè yóm hanà tolo klowilen.

1 Samwél 10:16

Bnalà Sol, monen, “Yó monen mò do, deng ton le lu ne kun yó kem kudà asnu hnebel me.” Okóm là kô tulón Sol du ke mà dien yóm deng ketwél Samwél du hnolo bè yóm kbalingen tau hol geta.

1 Samwél 10:6

Bè yóm uras yó, tódô sut béléem yóm Tulus Dwata ne tey kehfasangen kóm ne wen htugod Dwata kóm ebélê le. Tódô tenlesen yóm kmò ktauhem.

1 Samwél 11:6

Timbow gungol Sol yóm tulón le, tódô sut béléen yóm Tulus Dwata ne ya tey sidek kebuten.

1 Samwél 14:1

Sotu kdaw bè yó, yó mon Junatan bè yóm logi lomi lemnok gel mit klungen, “Lemwót te ne mógów te etu bè kamfù kem Flistin.” Okóm là kô tulón Junatan du ke maen yóm tô nmoen yó.

1 Samwél 17:46

Kemdaw ni, blay Dwata uu elem hólólu ne hnatayu uu, kenlengu kuluhem. Ominu bemlay du bè yó kem onuk koyu ne bè yó kem ógóf lóbô lem bnes yóm lówóhem, dalang se lówó yó kem dumu sendalù Flistin mung béléem matay. Bè ni gónó le temngón du yóm kdéen tau bè klamangen benwu wen Dwata yó kem tau Israél.